អេនឌី បានហោះចេញពីកម្ពុជាប៉ុន្មាននាទីមុននេះ
- 2017-02-02 07:38:59
- ចំនួនមតិ 0 | ចំនួនចែករំលែក 0
អេនឌី បានហោះចេញពីកម្ពុជាប៉ុន្មាននាទីមុននេះ
ចន្លោះមិនឃើញ
ទីបំផុតលោក អេនឌី បានហោះចេញពីកម្ពុជាជាលើកទី២នៅប៉ុន្មាននាទីមុននេះ ឆ្ពោះទៅទឹកដីសហរដ្ឋអាមេរិកជាទីដែលលោកត្រូវធ្វើបេសកកម្មសិល្បៈ។
តាមការបញ្ជាក់របស់សាមីខ្លួន នេះជាលើកទី២របស់លោកសម្រាប់ដំណើរទៅសហរដ្ឋអាមេរិក ក្រោយលោកបានខកខានជាច្រើនឆ្នាំ ដោយអំឡុងឆ្នាំ ២០១៤ លោកធ្លាប់បានទៅម្ដងរួចមកហើយ។ ដោយឡែកបេសកកម្មលើកទី២នេះ គឺដូចមុនដែរ គឺលោកតបតាមការអញ្ជើញរបស់បងប្អូនខ្មែរនៅទីនោះ។
តាមគម្រោង តារាប្រុសដែលទើបផ្ទុះរឿងថតរូបសិចស៊ីជាមួយតារាស្រីឈ្មោះ លីឡា នឹងទៅដល់សហរដ្ឋអាមេរិកនៅរង្វង់ប្រមាណម៉ោង ១០យប់នេះ។ "ខ្ញុំចុះនៅកាលីហ្វ័រញ៉ា អីចឹងលឿនជាង បើចុះនៅបូស្តុន ឡុងប៊ិច គឺជាចំណាយច្រើនជាងនេះ ដល់ទៅជិត២ថ្ងៃឯណោះបង"។យ៉ាងណាក៏ដោយ លោកមិនទាន់ដឹងច្បាស់ពីកាលបរិច្ឆេទនៃការសម្ដែងឡើយ។
រួមដំណើរជាមួយដៃគូស្រីម្នាក់ឈ្មោះ រតនៈ លោក អេនឌី ប្រាប់ទៀតថា លោកត្រូវស្នាក់នៅលើទឹកដីសហរដ្ឋអាមេរិក ចំនួន៣ខែដើម្បីបេសកកម្មសិល្បៈ រហូតដល់ខែ៤ ទើបលោកនឹងជួបចាប់ដៃគូគ្នាជាមួយអ្នកនាង យ៉ាន លីនដា ។
អេនឌី ប្រាប់ថា លោករីករាយណាស់សម្រាប់ដំណើរចេញទៅអាមេរិកលើកនេះ សង្ឃឹមថា បងប្អូនខ្មែរនៅតាមទីក្រុង ឬរដ្ឋនានារបស់អាមេរិក គាំទ្រការសម្ដែងរបស់លោក និងដៃគូ៕