ប្លែកអារម្មណ៍! អាស៊ីអាគ្នេយ៍ យករឿងបរទេស មកកែច្នៃចេញជារឿងថ្មី
- 2017-02-03 05:06:04
- ចំនួនមតិ 0 | ចំនួនចែករំលែក 0
ប្លែកអារម្មណ៍! អាស៊ីអាគ្នេយ៍ យករឿងបរទេស មកកែច្នៃចេញជារឿងថ្មី
ចន្លោះមិនឃើញ
នៅព្រឹកមិញនេះទូរទស្សន៍អាស៊ីអាគ្នេយ៍បានក្រុងពាលីរឿង "កំលោះទាំង៣" ដែលខ្សែភាពយន្តភាគនេះ ជាភាពយន្តបរទេសតែយកមកកែច្នៃជារឿងថ្មីមួយប្លែកមិនចំលងនោះទេ។ នេះបើតាម លោក ឆេង ដារាវុទ្ធ បានលើកឡើង។
លោកមានប្រសាសន៍ថា លោកគ្មានការព្រួយបារម្ភនោះទេចំពោះរឿងរិះគន់ ទៅលើករណីដែលលោកយកភាពយន្តបរទេសមកច្នៃជាខ្សែភាពយន្តថ្មីមួយប្លែក។ លោកបានលើកឧទាហរណ៍ជាក់ស្ដែងកាលពីសម័យដូនតាខ្មែរមុនសាងសង់ប្រាសាទបានទៅរៀនពីប្រទេសឥណ្ឌា តែខ្មែរយើងអត់មានចំលងពីឥណ្ឌានោះទេ ហើយក្នុងចំណោមប្រាសាទរាប់ពាន់របស់ខ្មែរគ្មានប្រាសាទណាមួយដូចប្រាសាទឥណ្ឌាដែរ។
អ្នកគ្រប់គ្រងជាន់ខ្ពស់នៅទូរទស្សន៍អាស៊ីអាគ្នេយ៍លោក ឆេង ដារាវុទ្ធ ថ្លែងថា៖ "ហេតុដូច្នេះវប្បធម៌វាជះឥទិពលគ្នាទៅវិញទៅមកជារឿងធម្មតា តែអ្វីដែលសំខាន់បំផុតនោះគឺយើងយកមកច្នៃឲ្យជារឿងរបស់ជាតិយើង កុំឲ្យទៅជារឿងរបស់ជាតិគេ"។
ចំពោះខ្សែភាពភាគរឿង "កំលោះទាំង៣" មាន៣០ភាគ ជាប្រភេទរឿងស្នេហា លាយឡំជាមួយកំប្លុកកំប្លែងរបស់កំលោះក្រីក្រ៣រូប ដែលលួចស្រឡាញ់កូនក្រមុំអ្នកមាន៣រូប និងចាប់ផ្ដើមថតនៅក្នុងសប្តាហ៍ក្រោយនេះហើយ ចូលរួមសម្ដែងដោយ កញ្ញា កែវ សីហា កញ្ញា ហុង សម្ផស្ស កញ្ញា ផល ពេជ្រ ចិន្ដា លោក សាន្ត ភារម្យ លោក មុំ ប៊ុន ហេង លោក សែន ស្រទន់ធារិទ្ធ និងតារាសម្ដែងប្រុសស្រីជាច្រើនរូបទៀត៕