ទិញ iPhone ប្រើដំបូងអត់ដឹងធ្វើអីមុន អានអត្ថបទនេះ

2017-02-07 07:24:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកទិញ iPhone ថ្មីមកប្រើមួយចំនួន ប្រហែលមិនដឹងថាត្រូវធ្វើអីមុននៅឡើយទេ។ ជំហានដំបូងបង្អស់ ក្រោយពេលអ្នកទិញ iPhone មកប្រើ គឺការបង្កើត Apple ID ដើម្បីអាចទាញយកកម្មវិធីផ្សេងៗពី App Store មកប្រើបាន។

ចំពោះអ្នកប្រើប្រាស់នៅកម្ពុជា ពេលទិញ iPhone ថ្មីប្រើដំបូង មិនគួរឲ្យហាងទូរសព្ទដំឡើងកម្មវិធីឲ្យទេ ព្រោះខាងហាងនឹងដាក់ Apple ID របស់គេ ដើម្បីដំឡើងកម្មវិធីលើ iPhone របស់អ្នក។ បើអ្នកប្តូរ Apple ID ថ្មី នៅពេលអាប់ដេតកម្មវិធីដែលខាងហាងដំឡើងឲ្យ វានឹងទាមទារឲ្យអ្នកវាយលេខកូដលើ Apple ID ចាស់។

ងាយៗបង្កើត Apple ID សម្រាប់អ្នកទើបប្រើ iPhone ដំបូង ចំណាយយូរបំផុតតែប្រហែល ៥នាទី។

១. វគ្គបង្កើត Apple ID

ដើម្បីបង្កើត Apple ID ដំបូងចូលទៅកាន់ App Store រួចចុចលើពាក្យ Free ដែលនៅកណ្តាលផ្នែកខាងលើ។ ស្វែងរកកម្មវិធីណាដែលចង់ទាញយក ហើយចុចលើ "GET” ហើយ “INSTALL” នោះនឹងលោតផ្ទាំងមួយដែលតម្រូវឲ្យអ្នក Sign In។ ចុចលើ Create New Apple ID ហើយរើសយក Cambodia រួចចុច Next។

ចុចលើ Agree > Agree។ បំពេញ អ៊ីម៉ែល លេខកូដ និងសំនួរចម្លើយដែលអ្នកចង់បាន។ ត្រង់ Optional Rescue Email អ្នកអាចដាក់ Email ណាផ្សេងមួយទៀត ទុកសម្រាប់ជួយសង្រ្គោះករណីអ្នកភ្លេចលេខកូដ Email ទី១ខាងលើ។ រួចរាល់ហើយចុច Next។

ពេលចូលដល់ផ្ទាំងមួយទៀត ជ្រើសយក None ហើយត្រង់ BILLING ADDRESS ត្រូវបំពេញព័ត៌មានពីឈ្មោះនិងអាសយដ្ឋាន។ សម្រាប់ Postcode អាចដាក់ 12000 ក៏បាន។ ត្រង់កន្លែងលេខទូរសព្ទ អាចដាក់បានតែចំនួន ៧ ខ្ទង់ប៉ុណ្ណោះ។ ពិនិត្យព័ត៌មានឡើងវិញ បើរួចរាល់អស់ហើយ អូសទៅក្រោមចុច Next។

២. វគ្គ Verify Email

ក្រោយឆ្លងដំណាក់កាលខាងលើហើយ បើកម៉ែលរបស់អ្នកដែលប្រើប្រាស់ ដើម្បីបង្កើត Apple ID។ ចុចលើ Verify now។

បន្ទាប់មកវាយលេខកូដដែលអ្នកប្រើប្រាស់លើ Apple ID ហើយចុច Continue។

ពេលនេះ Apple ID អ្នកបាន Verified ជោគជ័យហើយ រួចចុច Done។ អ្នកអាចទាញយកកម្មវិធីណាមួយលើ App Store បានហើយ៕

លើកក្រោយ Sabay នឹងណែនាំការប្រើប្រាស់ iCloud ដើម្បី Sync កម្មវិធីនិងរូបថត, កំណត់ Find My iPhone, ដាក់អ៊ីម៉ែល និងការប្រើប្រាស់មុខងារនិងកម្មវិធីមានប្រយោជន៍ជាច្រើនផ្សេងទៀតលើ iPhone ដែលអ្នកមិនធ្លាប់ដឹងពីមុនមក។

អត្ថបទ៖ ផាន់និត