ឡូយហួសថ្លែង! ដំណើរការផលិតរថយន្តតម្លៃជិត ៣ លានដុល្លារ

2017-02-08 07:04:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Bugatti បានបង្ហាញដ៏កម្រជាច្រើនសន្លឹកបង្ហាញពីសកម្មភាពផលិតរថយន្តម៉ូដែល Chiron ដែលធ្វើឡើងនៅទីស្នាក់ការក្រុមហ៊ុនក្នុងសហគមន៍ Molsheim ប្រទេសបារាំង។

បច្ចុប្បន្នរថយន្តកម្លាំង ១៥០០ សេះ និង មានតម្លៃដល់ ២,៦ លានដុល្លារនេះមានផលិតត្រឹមតែ ១២ គ្រឿងប៉ុណ្ណោះសម្រាប់ដឹកជញ្ជូនឲ្យអតិថិជននៅត្រីមាសទីមួយឆ្នាំ ២០១៧។ សម្រាប់ពេញមួយឆ្នាំនេះក្រុមហ៊ុនកំណត់ថានឹងផលិត Bugatti Chiron ឲ្យបាន ៧០ គ្រឿង ស្របពេលដែលម៉ូដែលនេះនឹងមានផលិតសម្រាប់លក់តែ ៥០០ គ្រឿងប៉ុណ្ណោះ។

ការផលិត Chiron មិនមែនជារឿងងាយស្រួលឡើយដោយត្រូវប្រើកម្លាំងមនុស្ស ២០ នាក់លើការដំឡើង និង ចំណាយពេល ៦ ខែ គិតចាប់តាំងពីការចាប់ផ្ដើមរហូតដល់ដំណាក់កាលដឹកជញ្ជូន។ អ្នកបញ្ជាទិញ Chiron ទាំងឡាយអាចជ្រើសរើសពណ៌ថ្នាំខាងក្រៅដែលមាន ២៣ ប្រភេទ និង មានជម្រើសសារធាតុកាបូនដែលមាន ៨ ប្រភេទ។ សម្រាប់កៅអីអង្គុយស្បែកផ្នែកខាងក្នុងមានជម្រើសពណ៌ ៣១ ផ្សេងគ្នា ប៉ុន្តែបើអតិថិជនមិនពេញចិត្តជម្រើសពណ៌ដែលផ្ដល់ជូនក្រុមហ៊ុនអាចបង្កើតពណ៌ទៅតាមចំណង់ចិត្តអតិថិជនបាន។

ពេលសម្រេចចិត្តរួចរាល់ហើយ ការផលិតនឹងចាប់ផ្ដើមភ្លាម។ ការដំឡើងរថយន្តធ្វើឡើងនៅអគារផលិត Atelier ដោយម៉ូដែល Veyron ក៏ផលិតនៅទីនេះដែរ។ យ៉ាងណាក្ដីដោយសារតែ Chiron ទំនើបពេកហេតុនេះគេត្រូវកែសម្រួលអគារផលិតដើម្បីស្របទៅតាមដំណើរការផលិតដែលធ្វើឡើងយ៉ាងស្មុគស្មាញ។ ទស្សនារូបភាពខាងក្រោមពីការផលិតរថយន្ត Chiron ដែលកម្របានឃើញ៖