Pick-up ស៊េរីថ្មីខ្លាំងណាស់នៅថៃ ២ខេត្តមានតែ ១សាខា តែសន្ទុះលក់សាហាវ

2017-02-09 04:59:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សាររថយន្តមួយបាំងកន្លះប្រភេទ Pick-up នៅក្នុង ខេត្ត២របស់ថៃ ដែលមានរបាយប្រជាជនរស់នៅប្រមាណ ១៣-១៤លាននាក់ សឹងប្រហាក់ប្រហែលប្រជាជនសរុបនៅកម្ពុជានោះ D-max ស៊េរីទំនើប ០១៧ លក់ដាច់ខ្លាំង រហូតជាង ២០០គ្រឿងក្នុងមួយថ្ងៃ។

ទិន្នន័យលក់ដ៏ច្រើននេះ Isuzu មានតំណាងលក់តែ មួយសាខាប៉ុណ្ណោះ សម្រាប់ចែកចាយ រថយន្តOff-Road ដែលមានតម្លៃថ្លៃបំផុតបើធៀបនឹងម៉ូដែលPick-up ផ្សេងៗ។

“យើងលក់បាន ២២២គ្រឿងក្នុងមួយថ្ងៃ ជារឿងមួយដែលអស្ចារ្យបំផុត។ ខ្ញុំជាតំណាងចែកចាយរបស់ក្រុមហ៊ុន ហើយមានតែ១សាខាគត់ ខណៈដែលដៃគូប្រកួតប្រជែងយើងមានទីតាំងលក់ បួនប្រាំកន្លែង ក្នុងខេត្ត ២នេះ”។ ស៊ុភឺមេក ប្រធានផ្នែកលក់ និងតំណាងចែកចាយIsuzu ប្រចាំខេត្ត នគររាជសីម៉ា និងឆៃយ៉ាភូមិ បញ្ជាក់។

ឆៃយ៉ាភូមិ ជាខេត្តតូច ប្រជាជនតិច មានប្រមាណ ៣លាននាក់ ឯនគររាជសីម៉ា ឬហៅថា ខូរ៉ាត ជាខេត្តមានសក្ដានុពលបំផុត ព្រោះរបាយប្រជាជនជាង ១០លាននាក់។

Pick-up Isuzu Blue Powerត្រកូល D-MAX ស៊េរីចុងក្រោយ ជារថយន្តដែលមានតម្លៃថ្លៃជាង បណ្ដាPick-up ដទៃទៀតនៅថៃ។ បច្ចេកវិទ្យាថ្មីដែលមានប្រព័ន្ធសុវត្ថិភាពលើផ្លូវចំណោតខ្លាំង បានបំពាក់លើរថយន្តនេះ។ ទោះចុះចំណោត ឡើងចំណោត ឬផ្អៀងរថយន្តមុំ ៤៥ដឺក្រេក៏ដោយ តិចណូឡូជី Blue Power របស់D-max អាចឡើងដោយមិនចាំបាច់ប្រើហ្គាទេ ព្រោះមុខងារម៉ាស៊ីនរុញកម្លាំងឡើងចំណោត ដោយស្វ័យប្រវត្តិជាចំណុចលេចធ្លោ ដែលអាចឲ្យ D-max blue power ជាងរថយន្តដទៃ។

រថយន្តប្រភេទ Pick-up ជាយានយន្តដែលពេញនិយមបំផុតនៅប្រទេសថៃ។ ៧០-៨៥% នៃរថយន្តសរុបលើទីផ្សារគឺជាប្រភេទ Pick-up ហើយ ៣៦% នៃរថយន្តថ្មី ដែលផលិត និងតម្លើងនៅប្រទេសនេះ ជាចំណែក ត្រកូល D-MAX របស់Isuzu។ តម្លៃរថយន្តថ្មី ចេញពីរោងចក្រ ចែកចាយលើទីផ្សារក្នុងស្រុក (ថៃ)ចាប់ពីខ្ទង់ ១ម៉ឺន ៧ពាន់ដុល្លារជាង ហើយសង្វាក់ផលិតកម្មនៃរោងចក្រនៅខេត្តឆាក់សឹងសៅ នាំចេញទីទីផ្សារ ១១២ ប្រទេសបូករួមទាំងកម្ពុជាផងនោះ ប្រែប្រួលតាមតម្លៃពន្ធនាំចូល៕