Real ឆ្លើយតបទៅ Barca រឿងស្នើសុំលេងផ្ដាច់ព្រ័ត្រនៅ Bernabeu
- 2017-02-10 01:39:55
- ចំនួនមតិ 0 | ចំនួនចែករំលែក 0
Real ឆ្លើយតបទៅ Barca រឿងស្នើសុំលេងផ្ដាច់ព្រ័ត្រនៅ Bernabeu
ចន្លោះមិនឃើញ
ការប្រកួតផ្ដាច់ព្រ័ត្រ Copa del Rey នឹងមិនអាចធ្វើឡើងនៅកីឡដ្ឋាន Santiago Bernabeu នោះទេ។ នេះតាមការបញ្ជាក់ពីប្រធានក្លឹប Real Madrid លោក Florentino Perez។
ពានរង្វាន់ Copa del Rey វគ្គផ្ដាច់ព្រ័ត្រ រវាងក្រុម Barcelona ទល់នឹង Deportivo Alaves នឹងត្រូវធ្វើឡើងនៅថ្ងៃទី២៧ ខែឧសភា ប៉ុន្តែពុំទាន់សម្រេចថាលេងនៅកីឡដ្ឋានណានៅឡើយទេ។ [ក្លឹបអ្នកមានបុណ្យ គ្រោងស្នើសហព័ន្ធបាល់ទាត់អេស្ប៉ាញ ឲ្យធ្វើនៅកីឡដ្ឋាន Santiago Bernabeu](http://news.sabay.com.kh/article/907267) ព្រោះយល់ថា ទីនោះជាទីតាំងដ៏ល្អឥតខ្ចោះ សម្រាប់ក្រុមទាំង២ និងសម្រាប់អ្នកគាំទ្រ។
យ៉ាងណាក្ដី ប្រធានក្លឹប Real លោក Perez បានឆ្លើយតបម្សិលមិញថា ការប្រកួតនេះមិនអាចធ្វើឡើងនៅកីឡដ្ឋាន Santiago Bernabeu ទេ ព្រោះកីឡដ្ឋានរបស់លោក មានការងារត្រូវជួសជុលថែទាំ។ លោកបានបញ្ជាក់ថា៖ "ផ្ដាច់ព្រ័ត្រ Copa មិនអាចលេងនៅ Bernabeu ទេ ព្រោះយើងមានការងារត្រូវធ្វើ”។
ដូច្នេះកីឡដ្ឋានផ្សេងៗទៀត ដែលអាចនឹងត្រូវលេងប្រកួតនេះគឺមាន San Mames របស់ក្លឹប Athletic Bilbao, Vicente Calderon របស់ក្លឹប Atletico Madrid ឬ Nou Camp របស់ក្លឹប Barcelona តែម្ដង៕