Barcelona ស៊ីគេទក់សាច់ តែមានកីឡាករម្នាក់ភ្លាត់ឆ្អឹងកជើង

2017-02-12 03:00:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកមានបុណ្យ Barcelona បានបំបាក់ក្រុមមធ្យម Alaves យ៉ាងត្រចះត្រចង់ ៦-០នៅក្រៅដីក្នុងពានLa Liga ប៉ុន្តែអកុសលកីឡាករ Aleix Vidal ខ្សែការពារស្ដាំរបស់ខ្លួនរងរបួសធ្ងន់ភ្លាត់ឆ្អឹងកជើង។

MSN សុទ្ធតែអាចរកគ្រាប់បាល់បានដូចគ្នាក្នុងនោះ Luis Suare រកបាន២គ្រាន់នាទី៣៧និង៦៧, Neymar នាទី៤០, Lionel Messi នាទី៥៩, Ivan Rakitic នាទី៦៥និង Ruano Alexis កីឡាកររបស់ក្រុម Alavesធ្វើឲ្យចូលទីខ្លួនឯង១គ្រាប់។

ងាកទៅកីឡាករ Aleix Vidal តាមការឲ្យដឹងអតីតកីឡាករក្រុម Sevilla រូបនេះនឹងអវត្តមានជួយ Barcelona ដល់ចប់រដូវកាល។ ក្នុងការប្រកួតខាងលើ Vidal ក៏បានជួយបញ្ជូនឲ្យ Suare ស៊ុតបើកឆាកគ្រាប់ទី១ ហើយគេរបួសបន្ទាប់ពីព្យាយាមដណ្ដើមបាល់ជាមួយខ្សែការពារឆ្វេងរបស់ Alaves លេខ១៥ Theo Hernandez។

Aleix Vidal

គូចាប់អារម្មណ៍មួយទៀតក្រុមកំពូលតារាង Real Madrid ក៏រកឃើញជ័យជំនះដែរ លត់ Osasuna ៣-១។ ស៊ុតបើកឆាកដោយ CR7នាទី២៤ ហើយ៩នាទីបន្ទាប់ Sergio Leon របស់ Osasuna ក៏រកគ្រាប់តាមស្មើវិញ។ យ៉ាងណា Isco និង Lucas Vazquez បានថែមម្នាក់១គ្រាប់ធានា៣ពិន្ទុឲ្យ Real Madrid៕