ជាការពិត G-Devith សម្រេចដើរចេញពី ហង្សមាស ហើយ?

2017-02-13 06:26:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយមានការចាកចេញជាបន្តបន្ទាប់របស់តារាចម្រៀងក្នុងផលិតកម្មហង្ស មានដូចជា ឈិត សុវណ្ណបញ្ញា យក់ ថិតរដ្ឋា និងអ្នកចាត់ការទូទៅ អ៊ិន ទីតូ ថ្មីៗនេះមានប្រភពច្បាស់ការមួយបានបង្ហើបថា ងួន ចាន់ដេវីត ក៏ដើរចេញពីហង្សមាសដែរ។

ប្រភពខាងលើបានឲ្យដឹងទៀតថាម្ចាស់បទ "រាំញីកែងជើង" អាចនឹងអន់ចិត្តដោយសារមួយរយៈនេះ ដៃគូ ធ្លាប់តែច្រៀងរួមគ្នាហាក់មិនសូវអើពើនឹងលោក ថែមទាំងស្ងាត់មិនមានចម្រៀងចេញរួមគ្នាសម្រាប់ដើមឆ្នាំ២០១៧នេះ។

មិនត្រឹមតែប៉ុណ្ណោះក្នុងគណនីហ្វេសប៊ុករបស់តារាប្រុសនេះតែងបង្ហោះសារប្លែកៗ អមជាមួយនោះ Fan តែងComment សួរថា ដេវីត ចាកចេញពីហង្សមាសមែនទេ?

ជួបជាមួយសាមីខ្លួនដើម្បីបញ្ជាក់កាន់តែច្បាស់ពីបញ្ហានេះG-Devith ប្រាប់ថាមិនមានរឿងបែបហ្នឹងកើតឡើងឡើយ។ លោកនិងតារាចម្រៀងរៀមច្បង ពេជ្រ សោភា មិនមានបញ្ហាអ្វីជាមួយគ្នាទាល់តែសោះ។ រីឯបទចម្រៀង ក៏កំពុងតែរៀបចំចេញបន្តបន្ទាប់ក្នុងពេលឆាប់ៗខាងមុខនេះ ។

សម្រាប់សារដែលលោកតែងបង្ហោះប្លែកៗនៅក្នុងបណ្តាញសង្គមនោះ ដោយសារបន្តិចទៀតលោកនឹងមានត្រៀមចេញបទចម្រៀងស្នេហាបែកបាក់ ហើយអ្នកដឹកនាំទាមទារមានទាក់ទងនឹងការផុសក្នុងបណ្តាញសង្គម ទើបទស្សនិកជនមានការយល់ច្រឡំបែបនេះ។

"ការពិតដែលខ្ញុំបង្ហោះប្លែកៗហ្នឹង ជាប្លង់ក្នុងបទចម្រៀងទេបង ដែលគេតម្រូវឲ្យចាប់យកអ្វីដែលខ្ញុំបានបង្ហោះក្នុងហ្វេសប៊ុក និយាយទៅ Fan យល់ច្រឡំច្រើនដែរ ប៉ុន្តែចាំចេញបទមក ពួកគាត់គង់តែដឹងទេ ថាខ្ញុំមិនបានចាកចេញទៅណាឡើយបង"។ ដេវីត បញ្ជាក់។

ចុងក្រោយតារាប្រុសមានស្រុកកំណើតមកពីខេត្តបាត់ដំបងអះអាងថា រឿងចាកចេញពីហង្សមាស និងមានបញ្ហាជាមួយរៀមច្បង ពេជ្រ សោភា នោះលោកសុំបដិសេធដាច់ខាត ថាមិនមានរឿងនោះកើតឡើងទេ៕

អត្ថបទ៖ ថា ម៉ាលីដា