កីឡដ្ឋានក្លឹប Atletico នឹងត្រូវប្រើសម្រាប់វគ្គផ្ដាច់ព្រ័ត្រ Copa del Rey

2017-02-14 02:23:18
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡដ្ឋាន Vicente Calderon ទឹកដីក្រុម Atletico Madrid នឹងត្រូវប្រើប្រាស់សម្រាប់ការប្រកួតវគ្គផ្ដាច់ព្រ័ត្រ Copa del Rey រវាង Barcelona និង Alaves នៅថ្ងៃទី២៧ ឧសភា។ នេះបើតាមការប្រកាសរបស់សហព័ន្ធបាល់ទាត់អេស្ប៉ាញនៅថ្ងៃច័ន្ទម្សិលមិញ។

កីឡដ្ឋាន Vicente Calderon

មុនឈានដល់ការសម្រេចនេះ ក្លឹប Barcelona ធ្លាប់ដាក់សំណើ[សុំធ្វើការប្រកួតវគ្គផ្ដាច់ព្រ័ត្រនៅកីឡដ្ឋាន Bernabeu](http://news.sabay.com.kh/article/907336 ) ដែលអាចផ្ទុកអ្នកទស្សនាបានច្រើន ប៉ុន្តែត្រូវប្រធានក្លឹបលោក Florentino Perez បដិសេធដោយយោងលើហេតុផលថា Real Madrid ត្រូវធ្វើការជួសជុល។

ការប្រកួតវគ្គផ្ដាច់ព្រ័ត្រនេះដែរ ក៏ជាប្រកួតបាល់ទាត់ផ្លូវការលើកចុងក្រោយនៅ Vicente Calderon ព្រោះកីឡដ្ឋានដ៏ចំណាស់មួយនេះនឹងត្រូវវាយកម្ទេចចោលនៅចប់រដូវកាល ហើយ Atletico Madrid នឹងត្រូវទៅលេងនៅកីឡដ្ឋាន Wanda Metropolitano ជំនួសវិញចាប់ពីរដូវកាលក្រោយទៅ៕