ឆ្ងល់ទេថាហេតុអ្វីទូរសព្ទនៅតែចាំម៉ោងបាន ទោះបីវារលត់ក្ដី?
- 2017-02-14 23:55:00
- ចំនួនមតិ 0 | ចំនួនចែករំលែក 0
ឆ្ងល់ទេថាហេតុអ្វីទូរសព្ទនៅតែចាំម៉ោងបាន ទោះបីវារលត់ក្ដី?
ចន្លោះមិនឃើញ
"ហេតុអ្វីបានជាទូរសព្ទនៅតែចាំម៉ោងបាន ទោះបីវារលត់ក្ដី?” នេះជាសំនួរដ៏គួរឲ្យចាប់អារម្មណ៍មួយដែលគេបានបង្ហោះឡើងលើវិបសាយសំនួរចម្លើយ Quora។ ខាងក្រោមគឺជាការដកស្រង់ចម្លើយពី Quora ដែលឆ្លើយតបសំនួរមុននេះ៖
ចម្លើយគឺថានៅលើឧបករណ៍អេឡិចត្រូនិកទាំងអស់មានថ្មប្រភេទ CMOS ដែលអាចចងចាំពេលវេលាបានទោះបីឧបករណ៍រលត់ទៅក្ដី។ ប៉ុន្តែសម្រាប់ iPhone វិញរាងពិសេសបន្តិចដោយសារវាមិនប្រើថ្ម CMOS ដូចឧបករណ៍ដទៃឡើយ។
iPhone វាមិនរលត់ទាំងស្រុងឡើយនៅពេលថាមពលថ្មអស់រលីង។ បើសម្គាល់ទៅនៅពេលអ្នកព្យាយាមបើក iPhone ដែលអស់ថ្មរលីង នឹងឃើញលោតផ្ទាំងបង្ហាញថាថាមពលថ្មអស់រលីងហើយ ដែលនេះមានន័យថានៅមានថាមពលថ្មសេសសល់បន្តិចបន្តួចទៀតក្នុងទូរសព្ទ។ ថាមពលថ្មនេះហើយដែលប្រើសម្រាប់ឲ្យម៉ោងដំណើរការ ដោយវាប្រើថាមពលតិចតួចបំផុតដើម្បីដំណើរការ។
ថ្មដែលសេសសល់តិចតួចនេះក៏ចេះអស់ដែរប្រសិនបើទុកទូរសព្ទចោលច្រើនថ្ងៃ និង ច្រើនសប្ដាហ៍ដោយមិនសាក ហើយពេលនោះនាឡិកានឹងមិនអាចចងចាំម៉ោងបានតទៀត។ ប៉ុន្តែនាឡិកាលើទូរសព្ទនឹងដើរត្រូវកាលបរិច្ឆេទវិញនៅពេលទូរសព្ទបញ្ចូលថ្មឡើងវិញ និង បានភ្ជាប់ទៅកាន់ប្រព័ន្ធអ៊ីនធឺណិត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
