អស់បញ្ហារឿងស្ទះផ្លូវ! ឡានហោះនឹងចេញលក់នៅចុងឆ្នាំ ២០១៨

2017-02-15 04:53:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនហុល្លង់ឈ្មោះ PAL-V បានចាប់ផ្ដើមបើកទទួលការបញ្ជាទិញរថយន្តអាចហោះបានដំបូងគេដែលមានឈ្មោះថា Liberty។ ក្រុមហ៊ុនបញ្ជាក់ថារថយន្តហោះម៉ូដែល Liberty គឺបានព្រមព្រៀងទៅតាមបទបញ្ជាសុវត្ថិភាពដែលកំណត់ដោយរដ្ឋបាលអន្តរជាតិ ហើយការដឹកជញ្ជូនរថយន្តទៅឲ្យអតិថិជននឹងចាប់ផ្ដើមនៅចុងឆ្នាំ ២០១៨។

ដំបូងគេនឹងផលិតរថយន្តនេះចំនួន ៩០ គ្រឿងដោយវានឹងជាម៉ូដែលពិសេស Pioneer Editions ដែលមានផ្ទៃខាងក្នុង និង ខាងក្រៅរចនាយ៉ាងពិសេស។ តម្លៃសម្រាប់ម៉ូដែលពិសេសនេះអតិថិជនត្រូវចាយលុយ ៥៩៩ ០០០ ដុល្លារក្នុងមួយគ្រឿង។ បន្ទាប់ពីម៉ូដែល Pioneer Editions លក់ដាច់អស់ ក្រុមហ៊ុននឹងចាប់ផ្ដើមដាក់លក់ម៉ូដែលធម្មតាឈ្មោះថា Liberty Sport ដែលមានតម្លៃ ៣៩៩ ០០០ ដុល្លារមួយគ្រឿង។

អ្នកបញ្ជាទិញទាំងឡាយគួរមានទាំងប័ណ្ណបើកបរ និង ប័ណ្ណហោះហើរ។ PAL-V បានអះអាងថារថយន្តដែលអាចហោះបាននេះអាចធ្វើដំណើរលើផ្ទៃដីនៅល្បឿនអតិបរមា ១៦០ គីឡូម៉ែត្រ/ម៉ោង ដោយចំណាយពេលប្រមាណ ៩ វិនាទី ដើម្បីបង្កើនសន្ទុះពី ០-១០០ គ.ម/ម៉។ ចំណែកការហោះហើរវិញអាចមានល្បឿនអតិបរមាដល់ ១៨០ គ.ម/ម៉៕