Cambodia ICT Awards 2017 ដាក់ពាក្យប្រជែងយកជយលាភីឆ្នាំនេះ

2017-02-15 06:18:21
ចំនួនមតិ 0 | ចំនួនចែករំលែក 0

ចន្លោះមិនឃើញ

Cambodia ICT Award ឆ្នាំ ២០១៧ ជាពានរង្វាន់ថ្នាក់ជាតិលើកទី ៣ ដែលរៀបចំឡើងក្រសួងប្រៃសណីយ៍និងទូរគមនាគមន៍ ដើម្បីជម្រុញលើកទឹកចិត្តដល់សិស្សនិស្សិត បណ្ដាក្រុមហ៊ុនឯកជន និងស្ថាប័នពាក់ព័ន្ធដែលមានផលិតផលនិងសេវាកម្មនៃគំនិតបង្កើតថ្មីលើវិស័យបច្ចេកវិទ្យា អាចចូលរួមដាក់ពាក្យប្រកួតប្រជែងគ្នាដើម្បីដណ្ដើមយកពានរង្វាន់ និងជួយលើកកម្ពស់អភិវឌ្ឍវិស័យ ICT នៅកម្ពុជា។

ឯកឧត្តមបណ្ឌិត កាន ចន្ទមេត្តា រដ្ឋលេខាធិការក្រសួងប្រៃសណីយ៍និងទូរគមនាគមន៍

ពានរង្វាន់បច្ចេកវិទ្យាគមនាគមន៍ និងព័ត៌មានកម្ពុជាឆ្នាំ ២០១៧ នេះមានចែកចេញជាប្រភេទពានរង្វាន់ និងវិញ្ញាសាប្រកួតខុសៗគ្នាដែលមានចំនួនប្រាំមួយដូចខាងក្រោម៖

១ វិស័យសាធារណៈ

សំដៅលើកម្រងកម្មវិធី ឧបករណ៍ ឬ ផលិតផលដែលអភិវឌ្ឍន៍ឡើង ក្នុងគោលបំណងផ្ដល់ប្រសិទ្ធភាព កាត់បន្ថយពេលវេលា តម្លាភាព និងមានតម្លៃទាបសម្រាប់បម្រើវិស័យសាធារណៈ។ កម្មវិធីអាចត្រូវអភិវឌ្ឍដោយស្ថាប័នឯកជន ស្ថាប័នរដ្ឋសហគ្រាសរដ្ឋដែលផ្តល់មូលនិធិដោយរាជរដ្ឋាភិបាល ឬជំនួយបរទេសនិងអាចស្ថិតក្នុងដំណាក់កាលសាកល្បងនៅឡើយ។ កម្មវិធីមិនមានភាពចាំបាច់ត្រូវបានប្រើប្រាស់ពេញលេញនោះទេ ប៉ុន្តែត្រូវបានប្រើប្រាស់ដោយស្ថាប័នរដ្ឋណាមួយ រួចហើយ។ កម្មវិធីដែលត្រូវបានអភិវឌ្ឍហើយត្រូវបានប្រើប្រាស់ដោយ សហគ្រាសរដ្ឋឬស្ថាប័នរដ្ឋសម្រាប់គោលដៅរកប្រាក់ចំណេញមិនរាប់បញ្ចូល ក្នុងប្រភេទពានរង្វាន់នេះទេ។

២ វិស័យឯកជន

សំដៅលើកម្រងកម្មវិធី ឧបករណ៍ ឬ ផលិតផលដែលសម្រាប់បម្រើសេចក្ដីត្រូវការរបស់វិស័យឯកជនរួមមានដូចជា កម្រងកម្មវិធីសម្រាប់គ្រប់គ្រងឧស្សាហកម្ម, កម្រងកម្មវិធីសម្រាប់គ្រប់គ្រងភស្តុភារតាមអេឡិចត្រូនិក (e-Logistics), កម្រងកម្មវិធីសម្រាប់ការគ្រប់គ្រងខ្សែសង្វាក់ផលិតកម្ម, កម្រងកម្មវិធីឧស្សាហកម្មហិរញ្ញវត្ថុ ទំនាក់ទំនង សេវាសុខាភិបាលតាមអេឡិចត្រូនិក ទេសចរ និងបដិសណ្ឋាកិច្ចជាដើម។ ក្រុមហ៊ុនចុះបញ្ជីក្នុងប្រទេសកម្ពុជា។ ក្រុមហ៊ុនមានម្ចាស់ភាគហ៊ុនក្នុងស្រុក ១០០%។ សម្រាប់ក្រុមហ៊ុនសហកម្មសិទ្ធិរវាងក្រុមហ៊ុនក្នុងស្រុក និងក្រុមហ៊ុនបរទេសម្ចាស់ភាគហ៊ុនក្នុងស្រុកត្រូវមានភាគហ៊ុនយ៉ាងតិច ៥១%។

៣ ការរួមចំណែកទទួលខុសត្រូវក្នុងសង្គម

សំដៅលើកម្រងកម្មវិធី ឧបករណ៍ ឬ ផលិតផលដែលអភិវឌ្ឍន៍ឡើងសម្រាប់គាំទ្រសហគមន៍របស់ខ្លួន ក្នុងគោលបំណងលើកកម្ពស់គុណភាពជីវិត ជីវភាពរស់នៅប្រចាំថ្ងៃរបស់មនុស្ស ក្នុងគោលបំណងជួយកាត់បន្ថយគម្លាតឌីជីថល។

៤ មាតិកាឌីជីថល (Digital Content)

សំដៅលើកម្រងកម្មវិធី ឧបករណ៍ ឬ ផលិតផលដែលអភិវឌ្ឍន៍ឡើងសម្រាប់ផ្តល់នូវការគ្រប់គ្រងនិងគាំទ្រ បច្ចេកទេសទៅដល់ព័ត៌មាន និងឧស្សាហកម្មកម្សាន្តដូចជា ការផ្សាយទូរទស្សន៍ វិទ្យុ រោងភាពយន្ត តន្ត្រី ទស្សនាវដ្ដី កាសែត ព័ត៌មានលើអ៊ីនធឺណិត ហ្គេមកម្សាន្ត។ ផលិតផលនោះអាចបង្កើតឡើង ជាទម្រង់អត្ថបទសំឡេង រូបភាពនិងវីដេអូជាដើម។

៥ ការបង្កើតធុរកិច្ច

សំដៅលើកម្រងកម្មវិធី ឧបករណ៍ ឬ ផលិតផលដែលអភិវឌ្ឍន៍ឡើងដោយក្រុមហ៊ុនធុរកិច្ច បង្កើតតិចជាងរយៈពេល៣ឆ្នាំ ពីកាលបរិច្ឆេទចុះឈ្មោះដាក់ពាក្យប្រកួតប្រជែង។ ម្ចាស់ភាគហ៊ុនធំត្រូវតែជាអ្នកដែលរកឃើញ ឬជាអ្នកផ្តួចផ្តើមគំនិតមុនដំបូង និងមិនមែនជាក្រុមហ៊ុនបុត្រសម្ព័ន្ធរបស់ក្រុមហ៊ុនមេណាមួយ។

៦ ការស្រាវជ្រាវ និងការអភិវឌ្ឍន៍

សំដៅលើកម្រងកម្មវិធី ឧបករណ៍ ឬ ផលិតផលដែលទើបតែស្រាវជ្រាវ រកឃើញចេញពីគំនិតថ្មី សម្រាប់បម្រើតម្រូវការទីផ្សារចេញពីសាកលវិទ្យាល័យ ស្ថាប័នស្រាវជ្រាវ ឬក្រុមហ៊ុនដែលរកឃើញ និងបង្កើតគំនិតថ្មីៗ។ កម្មវិធីមិនទាន់ប្រើប្រាស់នៅឡើយ ហើយមិនទាន់បានបញ្ចប់រួចរាល់សព្វគ្រប់ ប៉ុន្តែអាចធ្វើបង្ហាញពីមុខងារនិងដំណើរការរបស់វា ព្រមទាំងរក្សាកម្មសិទ្ធិបញ្ញាជាម្ចាស់របស់អ្នកដែលរកឃើញឬជាអ្នក ផ្ដួចផ្ដើមគំនិតមុនដំបូង (ផ្ទាល់ខ្លួន ឬក្រុមហ៊ុន)។ ប្រើប្រាស់ប្រភពថវិកាផ្ទាល់ខ្លួនឬពីអតិថិជន/ អ្នកប្រើប្រាស់។

អ្នកចូលរួម

កាលវិភាគនៃការចូលរួមប្រកួត

១៥ ខែកុម្ភៈ បើកឲ្យដាក់ពាក្យចូលរួមប្រកួត
១៥ ខែឧសភា បិទឈប់ទទួលពាក្យ
២៥ ខែឧសភា ប្រកាសលទ្ធផលជ្រើសរើសវគ្គទី ១
១៥ មិថុនា ប្រកាសលទ្ធផលជយលាភី និងប្រគល់ពានរង្វាន់ ICT Awards 2017។

លក្ខខណ្ឌនៃការចូលរួមប្រកួត

១ ក្រុមហ៊ុនដែលមានបំណងចង់ចូលរួមប្រកួតប្រជែងក្នុងកម្មវិធីនេះ ត្រូវតែជាក្រុមហ៊ុនចុះបញ្ជី និងមានអាជ្ញាប័ណ្ណជំនួញត្រឹមត្រូវស្របទៅតាមច្បាប់ប្រទេសកម្ពុជា។
២ បេក្ខជនដែលមានបំណងចង់ចូលរួមប្រកួតប្រជែងក្នុងកម្មវិធីនេះ ត្រូវមានសញ្ជាតិខ្មែរ ឬមានលំនៅឋានអចិន្ត្រៃយ៍ក្នុងព្រះរាជាណាចក្រកម្ពុជា។ ចំពោះបេក្ខជនដែលមិនមានសញ្ជាតិខ្មែរ ឬមិនមានលំនៅដ្ឋានអចិន្ត្រៃយ៍ក្នុងព្រះរាជាណាចក្រកម្ពុជាដែលមានបំណង ចង់ចូលរួមប្រកួតប្រជែងក្នុងកម្មវិធីនេះ គឺតម្រូវអោយបេក្ខជននោះមានលិខិតបញ្ចាក់ច្បាស់លាស់ពីក្រុមហ៊ុន ក្នុងស្រុកទើបអាចមានសិទ្ធិចូលរួមប្រកួតប្រជែងក្នុងកម្មវិធីនេះ បាន។
៣ ក្រុមហ៊ុនដែលក្ស័យធនមិនត្រូវបានអនុញ្ញាតអោយចូលរួមប្រកួតប្រជែងក្នុងកម្មវិធីនេះបានឡើយ។
៤ ផលិតផលដែលដាក់ប្រកួតប្រជែងក្នុងកម្មវិធីនេះ ត្រូវតែជាផលិតផលរក្សាកម្មសិទ្ធិបញ្ញាដោយក្រុមហ៊ុនសាមីផ្ទាល់ និងអភិវឌ្ឍន៍ ឬបង្កើតឡើងដោយប្រើប្រាស់ធនធានយ៉ាងហោចណាស់ ៥១% នៅក្នុងព្រះរាជាណាចក្រកម្ពុជា។

របៀបនៃការដាក់ពាក្យប្រកួតប្រជែង

សំណុំបែបបទចូលរួមកម្មវិធីប្រកួតប្រជែងនេះ អាចទាញយកពីគេហទំព័រ cambodiaictaward ដោយផ្ទាល់ រួចបំពេញពាក្យចុះឈ្មោះតាមរយៈទម្រង់ពាក្យអេឡិចត្រូនិក បន្ទាប់មកផ្ញើ URL វីដេអូនៅលើ Youtube មុននឹងចុច Submit។

បេក្ខជន/ ក្រុមហ៊ុន ត្រូវដាក់សំណុំបែបបទចូលរួមកម្មវិធីប្រកួតប្រជែងនិងឯកសារពាក់ព័ន្ធ ដទៃទៀតក្នុងស្រោមសំបុត្របិទជិតដោយដៃ ជាមួយត្រាបញ្ជាក់ក្រុមហ៊ុនរបស់សាម៉ីខ្លួនហើយផ្ញើរទៅកាន់អាស័យដ្ឋាន ខាងលើ ឬអ៊ីម៉ែលមកអាស័យដ្ឋាន info@cambodiaictaward.com។

ទំនាក់ទំនងព័ត៌មានបន្ថែម

សម្រាប់ព័ត៌មានលំអិតផ្សេងៗទាក់ទងទៅនឹងការប្រកួតប្រជែង ពានរង្វាន់បច្ចេកវិទ្យាគមនាគមន៍ និងព័ត៌មានកម្ពុជា ២០១៧ បេក្ខជន/ ក្រុមហ៊ុន អាចធ្វើការទាក់ទងតាមរយៈទូរសព្ទ លោក ស៊ុន រ៉ាពីដ ទូរសព្ទលេខៈ ០១៦ ៨៦៨៩៨៤។

កម្មវិធីប្រកួតប្រជែងថ្នាក់ជាតិនេះក៏នឹងផ្តល់ឱកាសដល់បេក្ខជនក៏ ដូចជាក្រុមហ៊ុនដែលទទួលបានជយលាភីពីកម្មវិធីនេះក្លាយជាតំណាងរបស់ប្រទេសកម្ពុជា ក្នុងការចូលរួមប្រកួតប្រជែងពានរង្វាន់បច្ចេកវិទ្យា គមនាគមន៍ និងព័ត៌មានថ្នាក់អាស៊ាន (ASEAN ICT Awards) ដែលកម្ពុជាយើងធ្វើជាម្ចាស់ផ្ទះផងដែរ៕

អត្ថបទ៖ រក្សា

ពាក្យទាក់ទង

ព័ត៌មានបច្ចេកវិទ្យាក្នុងស្រុក

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024