យ៉ែម សំអូន បំភ្លេចមិនបាន រាល់ទង្វើតារាសម្ដែងជើងចាស់៣រូប
- 2017-02-16 06:30:35
- ចំនួនមតិ 0 | ចំនួនចែករំលែក 0
យ៉ែម សំអូន បំភ្លេចមិនបាន រាល់ទង្វើតារាសម្ដែងជើងចាស់៣រូប
ចន្លោះមិនឃើញ
ដោយសារតែភាពក្រមិចក្រមើមអាចសម្ដែងបានគ្រប់ទម្រង់របស់តារាសម្ដែងស្រី៣រូបមានអ្នកនាង អម្ពរទេវី អ្នកនាង ចន ច័ន្ទលក្ខិណា និងអ្នកនាង ស្វែង សុជាតា បានធ្វើឲ្យ យ៉ែម សំអូន ដាច់ចិត្តប្រាប់ពីអារម្មណ៍ពិតថា លោកស្រឡាញ់ការសម្ដែងរបស់តារាជើងចាស់៣រូបនេះជាង២ទសវត្សរ៍មកហើយ អារម្មណ៍មួយនេះនៅតែចងចាំជានិច្ចមិនអាចបំភ្លេចបាន។
ចំណុចពិសេសដែលធ្វើឲ្យអតីតស្វាមីអ្នកនាង យ៉ាន លីនដា ស្រឡាញ់អ្នកនាងអម្ពរទេវី ដោយសារតែនាងមានទម្រង់មុខស្អាតប្លែកដូចតួឥណ្ឌា កម្រមានណាស់ ហើយបើនិយាយពីការសម្ដែងវិញនាងជាតារាសម្ដែងអាចលេងបានគ្រប់ទម្រង់មិនថាឆ្កួត ឡិកឡក់ ក្រមិចក្រមើម កម្សត់ ទឹកភ្នែកសោកសង្រេងទេ ចំពោះការស្លៀកពាក់វិញគឺលោកពេញចិត្តតែម្ដង។
ក្រឡេកមកចាប់អារម្មណ៍អ្នកនាង ស្វែង សុជាតា ឯណេះវិញម្ចាស់បទ "បែកគ្នាហើយហេតុអ្វីបងនៅតែនឹកអូន" បន្តថា នាងអាចលេងបានគ្រប់ទម្រង់ដូចគ្នាតែរូបសម្បត្តិនៅមានកម្រិត ដូច្នេះហើយបានគ្រប់រឿងដែលមានវត្តមាននាងបានត្រឹមតែតួរងប៉ុណ្ណោះ។ ប៉ុន្តែ ស្វែង សុជាតា គឺជាតួអង្គម្នាក់ដែលមិនអាចខ្វះបានក្នុងខ្សែភាពយន្តដែលល្អមើល។
វិលមកអ្នកនាង ចន ច័ន្ទលក្ខិណា ពោះម៉ាយកូនមួយរូបនេះបន្តថា លោកពេញចិត្តការសម្ដែងរបស់នាង "ព្រោះការសម្ដែងរបស់គាត់មើលទៅពិត ហើយមិនសូវប្រឹងនៅពេលសម្ដែង តែអ្វីដែលខ្ញុំពេញចិត្តបំផុតពេលគាត់លេងជាតួកាច ហើយទម្រង់មុខគាត់ជាតួឯក និយាយរួមទៅគាត់អាចលេងបានគ្រប់ទម្រង់"។
លោកបញ្ជាក់ថា មួលហេតុដែលលោកពេញចិត្តតារាសម្ដែងស្រីទាំង៣រូបខាងលើនេះ ដោយសារតែភាពមិនវាយឫកឆ្មើងឆ្មៃជាពិសេសគឺលេចមុខជួយការងារសង្គមជាច្រើន៕