មិនបាច់ចំណាយពេលយូរ ចុះពីលើផ្សារ ៤ជាន់ ត្រឹម ១២វិនាទី

2017-02-16 11:13:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីបង្កភាពងាយស្រួលដល់អ្នកទិញទំនិញកុំឲ្យចំណាយពេលយូរ ផ្សារទំនើបមួយនៅក្រុង Chongqing ប្រទេសចិន បានបង្កើតកន្លែងសម្រូតពីលើជាន់ទី៤ ដល់ជាន់ផ្ទាល់ដី ដោយចំណាយពេលត្រឹម ១២វិនាទីប៉ុណ្ណោះ។

កន្លែងសម្រូតដ៏អស្ចារ្យនេះ មានកម្ពស់ ១៦ម៉ែត្រ និងប្រវែងសរុប ៤៦ម៉ែត្រ។ ចំពោះអ្នកដែលចង់ចុះមកក្រោមរហ័ស អាចជិះកន្លែងសម្រូតនេះ ដោយចំណាយពេល ១២វិនាទី ជំនួសការចុះជណ្ដើរយន្តដែលត្រូវចំណាយពេលច្រើន ហើយមានមនុស្សចង្អៀតថែមទៀត។

គំនិតច្នៃប្រឌិតនេះ បានទទួលការចាប់អារម្មណ៍យ៉ាងខ្លាំង ព្រោះអាចចំណេញទាំងពេលវេលា ហើយនាំទាំងអារម្មណ៍រំភើបខុសពីធម្មតា ដោយមិនចាំបាច់ទៅរកកន្លែងកម្សាន្តស្រដៀងគ្នា។ យ៉ាងនេះក្ដី ក៏មានអ្នករិះគន់ខ្លះផងដែរ ថាអាចនាំឲ្យមនុស្សកាន់តែខ្ជិល ពេលដែលមធ្យោបាយទាំងនោះកាន់តែទំនើប៕