គ្រប់មីក្រូហិរញ្ញវត្ថុត្រូវនិយាយថា "នេះមិនមែនជារបស់រដ្ឋទេ" បើមិនដូច្នោះនឹងត្រូវបិទ
- 2017-02-17 10:51:30
- ចំនួនមតិ 0 | ចំនួនចែករំលែក 0
គ្រប់មីក្រូហិរញ្ញវត្ថុត្រូវនិយាយថា "នេះមិនមែនជារបស់រដ្ឋទេ" បើមិនដូច្នោះនឹងត្រូវបិទ
ចន្លោះមិនឃើញ
ថ្លែងនៅក្នុងពិធីបញ្ចុះខណ្ឌសីមា វត្តព្រែកប្រា កាលពីថ្មីៗនេះ សម្ដេចអគ្គមហាសេនាបតីតេជោ ហ៊ុន សែន បានមានប្រសាសន៍ថា ដើម្បីកុំឱ្យប្រជាពលរដ្ឋយល់ច្រឡំថា គ្រឹះស្ថាន មីក្រូហិរញ្ញវត្ថុឯកជនជារបស់រដ្ឋនោះ អ្នកដែលអប់រំប្រជាពលរដ្ឋសំខាន់ជាងគេ គឺមីក្រូហិរញ្ញវត្ថុខ្លួនឯង ប្រាប់ឱ្យច្បាស់ថា "លោកពូអ្នកមីងមកខ្ចីលុយនេះ មិនមែនលុយរដ្ឋនោះទេ ជាលុយឯកជន" ហើយឱ្យនិយាយគ្រប់ៗគ្នា ប្រសិនបើគាត់មិននិយាយទេនឹងត្រូវបិទ។
សម្ដេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍បន្តទៀតថា តាមគ្រឹះស្ថានទាំងអស់ទាំងតាមសាខា និង ទីស្នាក់ការកណ្ដាលទាំងអស់ត្រូវបិទផ្លាកធំៗថា ជាគ្រឹះស្ថានឯកជន រួចហើយត្រូវអប់រំបុគ្គលិកឱ្យនិយាយភាសាមុនគេថា នេះជាគ្រឹះស្ថានឯកជន មុនផ្ដល់កម្ចីទៅឱ្យប្រជាពលរដ្ឋ បើមិននិយាយទេគឺចាប់បង្ខំត្រូវបិទតែម្ដង។ សម្ដេចបន្ថែមទៀតថា នឹងត្រូវបោះពុម្ពជាសៀវភៅតែម្ដងទាក់ទង ដើម្បីចែកចាយអប់រំប្រជាពលរដ្ឋកុំឱ្យមានការយល់ច្រឡំបន្តទៀត។
សម្ដេចក៏បានលើកទៀតថា មីក្រូហិរញ្ញវត្ថុទោះបីឈ្មោះអ្វីក៏ដោយ មិនមែនជារបស់រដ្ឋទេ កន្លងមកមានការយល់ច្រឡំធំណាស់ ប្រជាពលរដ្ឋតែងលើកឡើងថា រដ្ឋតែងទៅទារការប្រាក់ រឹបអូសផ្ទះ រឹបអូសដីធ្លី។ ដូច្នេះហើយសម្ដេចសូម អំពាវនាវចំពោះប្រជាពលរដ្ឋទាំងអស់យល់ឱ្យច្បាស់ ចំពោះបញ្ហានេះហើយឈប់យល់ច្រឡំបន្តទៅទៀត។ សម្ដេច ក៏អំពាវនាវ ចំពោះមីក្រូហិរញ្ញវត្ថុត្រូវបញ្ជាក់អត្តសញ្ញាណថា "ខ្ញុំជាឯកជន" ហើយធនាគារជាតិនៃកម្ពុជាត្រូវតែធ្វើកិច្ចការនេះឱ្យច្បាស់ បិទផ្លាកឱ្យធំៗតាមគ្រឹះស្ថានមីក្រូហិរញ្ញវត្ថុឯកជនទាំងអស់ទូទាំងប្រទេសកម្ពុជា៕