ព្រះមហាក្សត្រ និង Angelina Jolie ក្នុងសកម្មភាពសម្ពោធរឿង "មុនដំបូងខ្មែរក្រហមសម្លាប់ប៉ារបស់ខ្ញុំ" យប់មិញ

2017-02-19 02:37:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងឱកាសសម្ពោធរឿង "មុនដំបូងខ្មែរក្រហមសម្លាប់ប៉ារបស់ខ្ញុំ" របស់អ្នកស្រី Angelina Jolie ដែលជាការចងចាំដ៏ឈឺចាប់បំផុត របស់កុមារី អ៊ឹង លួង ក្នុងរបបខ្មែរក្រហម ១៩៧៥-១៩៧៩នោះ មានការចូលរួមយ៉ាងខ្ពង់ខ្ពស់ពីព្រះករុណាជាអម្ចាស់ជីវិតតម្កល់លើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងព្រះវររាជមាតាជាតិខ្មែរ នរោត្តម មុនីនាថ សីហនុ ព្រមទាំងភ្ញៀវជាតិ អន្តរជាតិ ប្រមាណជាង២ពាន់នាក់នៅទីលានជល់ដំរី។

"មុនដំបូងខ្មែរក្រហមសម្លាប់ប៉ារបស់ខ្ញុំ" មិនមែនធ្វើឡើងដើម្បីបង្ហាញប្រវត្តិសាស្រ្តអាក្រក់ របស់ខ្មែរឡើយ តែអ្នកស្រី Angelina Jolie ថាការផលិតរឿងនេះ គឺជាការចងចាំ និងរំលឹកនៃការតស៊ូ រើបំរាស់ របស់ប្រជាពលរដ្ឋខ្មែរ កាលសម័យនោះ ក៏ដូចជាភាពស្រស់ស្អាតនៃព្រះរាជាណាចក្រកម្ពុជា និងភាពប៉ិនប្រសប់ នៃការសម្តែងរបស់ជនជាតិខ្មែរ ព្រមទាំងឧទ្ទិសវិញ្ញាណក្ខន្ឌ ដល់ជនរងគ្រោះកំឡុងរបបខ្មែរក្រហមនោះ។

សូមទស្សនាវីដេអូ