រកឃើញក្រុមខ្លាំង៦នៅបាត់ដំបងពាន Tiger Street Football Festival 2017 ហើយ

2017-02-19 23:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជយលាភីទាំង៦ប្រចាំមណ្ឌលខេត្តបាត់ដំបងនៃពានរង្វាន់ដ៏ធំ Tiger Street Football Festival 2017 បានរកឃើញហើយដើម្បីឡើងទៅជុំផ្តាច់ព្រ័ត្រនៅរាជធានីភ្នំពេញដើម្បីប្រជែងប្រាក់រង្វាន់រហូតដល់១៥ពាន់ដុល្លារអាមេរិក។

ក្រោយពេលប្រកួតវគ្គជម្រុះដ៏ស្វិតស្វាញក្នុងចំណោមក្រុមទាំងអស់ចំនួន៦៨ដែលបានចូលរួមប្រកួត។ ទីបំផុតក្រុម៤បានឡើងទៅកាន់វគ្គពាក់កណ្តាលផ្តាច់ព្រ័ត្រដែលវគ្គនេះមានភាពតឹងតែងខ្លាំងមែន។ នៅវគ្គពាក់កណ្តាលផ្តាច់ព្រ័ត្រ ក្រុមសហភាពសហព័ន្ធយុវជនកម្ពុជាខេត្តបាត់ដំបង C (សសយកបាត់ដំបង C)បានយកឈ្នះក្រុម សសយកបាត់ដំបង A ដោយលទ្ធផល ២-១ ខណៈក្រុម Fox Zone FC បានលត់ក្រុម BMS Club យ៉ាងចាស់ដៃ ១០-៥។

នៅវគ្គផ្តាច់ព្រ័ត្រដណ្តើមយកជើងឯក Fox Zone FC បានសោកស្តាយយ៉ាងខ្លាំង បន្ទាប់ពីនាំមុខ សសយកបាត់ដំបង C ដោយលទ្ធផល ១-០ តាំងពីវគ្គទី១ និងឈានចូលវគ្គទី២ជិតបញ្ចប់ហើយ។ ស្រាប់តែនៅនាទីចុងក្រោយ សសយកបាត់ដំបង C បានស៊ុតតាមស្មើ១-១។ ការបន្ថែមម៉ោងតែ១នាទីប៉ុណ្ណោះ សសយកបាត់ដំបង C បានស៊ុតចូល១គ្រាប់ទៀតយកឈ្នះ Fox Zone FC ២-១ ដើម្បីទទួលបានជើងឯកប្រចាំមណ្ឌលបាត់ដំបងតែម្តង ខណៈ Fox Zone FC បានត្រឹមជើងឯករង។

ចំពោះការប្រកួតយកចំណាត់ថ្នាក់លេខ៣វិញ សសយកបាត់ដំបង A បានបំបាក់ក្រុម BMS Club ដោយមិនឲ្យតដៃរួចក្នុងលទ្ធផល ៨-០។ ដូច្នេះ សសយកបាត់ដំបង A ទទួលបានចំណាត់ថ្នាក់លេខ៣ ខណៈក្រុម BMS Club ទទួលបានចំណាត់ថ្នាក់លេខ៤។ ដោយឡែក ២ក្រុមផ្សេងទៀតគឺក្រុម Fox Zone A និង បាត់ដំបងថោន A ក៏ទទួលបានកៅអីក្នុងចំណោម៦កៅអីប្រចាំមណ្ឌលបាត់ដំបងបន្តដំណើរដំណើរទៅជុំផ្តាច់ព្រ័ត្រនៅភ្នំពេញដែរ ពីព្រោះផ្អែកលើលទ្ធផលចាញ់ល្អជាងក្រុមផ្សេងៗទៀត។

ក្នុងពិធីប្រគល់ប្រាក់រង្វាន់ប្រចាំមណ្ឌលបាត់ដំបងនេះមានការចូលរួមពីលោក ទុយ វិច្ឆិកា តំណាងសហព័ន្ធកីឡាបាល់ទាត់កម្ពជា លោក Allan Wu ជា Trade Marketing Manager របស់ស្រាបៀរថៃហ្គ័រ លោក លឹមហ៊ួ នីតា អនុប្រធានសហភាពសហព័ន្ធយុវជនខេត្តបាត់ដំបង និងលោកស្រី Sandrine De Cara ប្រធានផ្នែកទីផ្សារស្រាបៀរថៃហ្គ័រ។

ប្រាក់រង្វាន់