រុស្សីបង្កើតមីស៊ីលឆ្លងទ្វីបថ្មី អាចទម្លុះខែលអាមេរិកគ្រប់ប្រភេទ
- 2017-02-21 04:04:48
- ចំនួនមតិ 0 | ចំនួនចែករំលែក 0
រុស្សីបង្កើតមីស៊ីលឆ្លងទ្វីបថ្មី អាចទម្លុះខែលអាមេរិកគ្រប់ប្រភេទ
ចន្លោះមិនឃើញ
មីស៊ីលឆ្លងទ្វីបទើបបង្កើតថ្មីដ៏មហិមារបស់រុស្ស៊ី មានសមត្ថភាពអាចជ្រែកទម្លុះប្រព័ន្ធខែលការពារមីស៊ីលអាមេរិកគ្រប់ប្រភេទបានហើយ។ នេះបើតាមឧបនាយករដ្ឋមន្ត្រីរុស្ស៊ីលោក Dmitry Rogozin បានថ្លែងកាលពីថ្ងៃអាទិត្យកន្លងទៅ។
លោកបានមានប្រសាសន៍នៅក្នុងកម្មវិធីមួយរបស់ប៉ុស្តិ៍ទូរទស្សន៍ Rossiya ថា កម្លាំងកំញើញនុយក្លេអ៊ែររបស់រុស្ស៊ី ត្រូវបានផលិតឡើងមានច្រើនប្រភេទផ្សេងៗគ្នា រួមទាំងមីស៊ីលប្រភេទ Voyevoda សម័យសូវៀតផង។ ឥឡូវនេះរុស្ស៊ីកំពុងវិវឌ្ឍមីស៊ីលទំនើបថ្មីបន្ថែម។
ប្រភពខាងលើបង្ហើបថា «ប្រព័ន្ធខែលការពារមីស៊ីលរបស់អាមេរិក គឺលែងជាឧបសគ្គចំពោះរុស្ស៊ីទៀតហើយ។ យើងអាចកម្ទេចប្រព័ន្ធការពារនេះបានយ៉ាងងាយ។»
ចំពោះវិស័យឧទ្ធម្ភាគចក្រល្បឿនលឿនវិញ រុស្ស៊ីក៏មិនចាញ់អាមេរិកដែរ។ ឧទ្ធម្ភាគចក្រទើបបង្កើតថ្មីអាចមានល្បឿនលឿនដូចនាវា គឺ៤០៥គីឡូម៉ែត្រក្នុងមួយម៉ោង ផ្អែកតាមការតេស្ដសាកល្បងឆ្នាំមុន ហើយការផលិតឧទ្ធម្ភាគចក្រធំៗនឹងចាប់ផ្ដើមនៅឆ្នាំ២០១៨ ខាងមុខនេះ។
ចំណែករថក្រោះរុស្ស៊ីជំនាន់ថ្មីប្រភេទ Armata គឺខ្លាំងជាងរថក្រោះអាមេរិក អឺរ៉ុប និងអ៊ីស្រាអែលទៅទៀតចំពោះលក្ខណសម្បត្តិបច្ចេកទេសរបស់វា៕