Griezmann បំបែកកំណត់ត្រាជាង៤០ឆ្នាំ របស់ក្លឹប Atletico Madrid
- 2017-02-22 01:39:46
- ចំនួនមតិ 0 | ចំនួនចែករំលែក 0
Griezmann បំបែកកំណត់ត្រាជាង៤០ឆ្នាំ របស់ក្លឹប Atletico Madrid
ចន្លោះមិនឃើញ
Antoine Griezmann បានបំបែកកំណត់ត្រារយៈពេល៤៣ឆ្នាំ របស់ក្លឹប Atletico Madrid ដោយក្លាយជាអ្នកស៊ុតបញ្ចូលទីច្រើនជាងគេបំផុតក្នុងប្រវត្តិសាស្ត្រក្លឹប ក្នុងពានរង្វាន់កំពូលអឺរ៉ុប។
កីឡាករជម្រើសជាតិបារាំង បានស៊ុតបញ្ចូលទីគ្រាប់ទី២ រួមចំណែកជួយឲ្យ Atletico ឈ្នះ Bayer Leverkusen ៤-២ នៅ UEFA Champions League វគ្គ១៦ក្រុម ជើងទី១ នៅទឹកដីអាល្លឺម៉ង់យប់មិញ។ ១គ្រាប់នេះមានន័យថា ជាគ្រាប់បាល់ទី១៣របស់គេ ក្នុងពានរង្វាន់អឺរ៉ុប និងបំបែកកំណត់ត្រាវីរបុរសក្លឹប Atletico លោក Luis Aragones ដែលធ្លាប់ស៊ុតបាន១២គ្រាប់ នៅចន្លោះឆ្នាំ១៩៦៤-១៩៧៤។
ស្ថិតក្នុងវ័យទើប២៥ឆ្នាំ Griezmann អាចនឹងបង្កើនកំណត់ត្រានេះដាច់កាន់តែឆ្ងាយទៀត ប៉ុន្តែរូបគេនឹងបាត់ឱកាសល្អនេះ បើសិនជាចាកចេញទៅក្លឹបបិសាចក្រហម Manchester United ក្រោយចប់រដូវកាលនេះ ដូចពាក្យចចាមអារ៉ាមបានលើកឡើង៕