ពហុកីឡដ្ឋានមរតកតេជោដំណាក់កាលទី១នឹងសម្ពោធថ្ងៃទី៤ មេសា

2017-02-22 03:53:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពហុកីឡដ្ឋានជាតិមរតកតេជោដំណាក់កាលទី១នឹងសម្ពោធដាក់ឲ្យប្រើប្រាស់ជាផ្លូវការនាថ្ងៃទី៤ ខែមេសា ឆ្នាំ២០១៧ខាងមុខនេះ ខណៈតាមគម្រោងសាងសង់នឹងបញ្ចប់នាខែមីនាខាងមុខនេះ។

ការកសាងដំណាក់កាលទី១មាន៖

ទីលានហែលទឹក
តារាងបាល់បោះ
តារាបាល់ទះ
ទីលានហ្វឹកហាត់
អគារស្នាក់នៅរបស់អត្តពលិក

ទីលានហែលទឹក (រូបភាពកសាងកាលពីឆ្នាំ២០១៥)

ឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានប្រាប់ថា ដំណាក់កាលទី១នៃពហុកីឡដ្ឋានជាតិមរតកតេជោដែលកំពុងកសាងដើម្បីត្រៀមធ្វើម្ចាស់ផ្ទះព្រឹត្តិការណ៍កីឡាស៊ីហ្គេមឆ្នាំ២០២៣ នឹងដាក់សម្ពោធឲ្យដំណើរការជាផ្លូវការថ្ងៃទី៤ ខែមេសា ឆ្នាំ២០១៧ខាងមុននេះហើយ។ ការកសាងដំណាក់ទី១នឹងត្រូវបញ្ចប់នាខែមីនា ឆ្នាំ២០១៧ខាងមុខនេះ។ ដំណាក់កាលទី២ នឹងចាប់ផ្តើមកសាង បន្ទាប់ពីបញ្ចប់ដំណាក់កាលទី១។

ទីលានក្នុងសាល (រូបភាពកសាងកាលពីឆ្នាំ២០១៥)

តាមឲ្យដឹងពីសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងឱកាសដែលសម្តេចទទួលពានរង្វាន់ IOC President's Trophy ថា ថ្ងៃទី៤ ខែមេសា ជាពេលដែលសម្តេចផ្តោតលើចំណុចសំខាន់៣គឺ ទី១-បុកគ្រឹះរាល់អគារកីឡាដែលគ្រោងសាងសង់ ទី២-សម្ពោធគ្រប់អគារកីឡាដែលបានសាងសង់រួចរាល់ និង ទី៣-ទទួលទានអាហារជួបជុំជាមួយមហាគ្រួសារកីឡាកម្ពុជា។

អគារស្នាក់នៅរបស់អត្តពលិក (រូបភាពកសាងកាលពីឆ្នាំ២០១៥)

ដំណាក់កាលទី២ដែលមានពហុកីឡដ្ឋានធំសំខាន់ជាងគេ និងដំណាក់កាលទី៣មានទីលានកីឡាមួយចំនួនទៀត។ ពហុកីឡដ្ឋានជាតិថ្មីនេះ ស្ថិតនៅក្នុងសង្កាត់ព្រែកតាសេក ខណ្ឌឫស្សីកែវ លើផ្ទៃដីប្រមាណ៨៣ហិកតា៕

វីដេអូគម្រោងកសាងដំណាក់កាលទី២