ហេតុផលល្អ ៤យ៉ាង ដើរលេងលក្ខណៈគ្រួសារ ជួយដល់កុមារតូចៗ
- 2017-02-24 02:05:00
- ចំនួនមតិ 0 | ចំនួនចែករំលែក 0
ហេតុផលល្អ ៤យ៉ាង ដើរលេងលក្ខណៈគ្រួសារ ជួយដល់កុមារតូចៗ
ចន្លោះមិនឃើញ
ដំណើរកម្សាន្តជាលក្ខណៈគ្រួសារ តែងតែនាំមកនូវភាពសប្បាយរីករាយ និងបង្កើនភាពស្និទ្ធស្នាលដល់សមាជិកនីមួយៗ។ អ្វីដែលកាន់តែពិសេសទៅទៀតនោះគឺ ឪពុកម្ដាយដែលមានគម្រោងនាំសមាជិកគ្រួសារក្មេងៗបានទៅដើរលំហែជាមួយ បងប្អូន សាច់ញាតិរបស់ពួកគេ គឺទទួលបានផលប្រយោជន៍ច្រើនក្មេងៗតូចៗទាំងនោះ នេះបើតាមការឲ្យដឹងពីអ្នកជំនាញជាច្រើន៖
១. ជួយបង្កើតអនុស្សាវរីយ៍ល្អឲ្យក្មេងៗចងចាំបំភ្លេចមិនបាន
បើអ្នកជាឪពុកម្ដាយ ចំណាយលុយទិញរបស់របរឲ្យកូនៗតូចលេង គួរបង្វែរទឹកប្រាក់នោះជាកញ្ចប់ថវិកាសម្រាប់ដើរលេងកម្សាន្តជាលក្ខណៈគ្រួសារ នៅរមណីយដ្ឋានផ្សេងៗវិញជាការប្រសើរ។ តាមអ្នកជំនាញចិត្តសាស្ត្រជាច្រើនឲ្យដឹងថា ការនាំកុមារតូចៗដើរលំហែលេង គឺនាំឲ្យពួកគេចងចាំអនុស្សាវរីយ៍ល្អៗជារៀងរហូត។ អនុស្សាវរីយ៍ល្អៗនោះ គឺការចំណាយពេលជាមួយឪពុកម្ដាយ ចែករំលែកចំណាប់អារម្មណ៍ផ្ទាល់ខ្លួន ស្វែងយល់ពីសង្គមខាងក្រៅ...ជាការចងចាំមួយបំភ្លេចមិនបាន។
២. ការដើរកម្សាន្តជួយដល់ការវិវឌ្ឍខួរក្បាលរបស់ក្មេងៗ
លោកវេជ្ជបណ្ឌិត Margot Sunderland អ្នកជំនាញ ផ្នែកសុខភាពខួរក្បាលរបស់កុមារ មកពីចក្រភពអង់គ្លេសបានពន្យល់ថា មិនថាឪពុកម្ដាយ នាំកូនៗទៅលំហែ នៅរមណីយដ្ឋានធម្មជាតិ ឬទៅទស្សនារមណីយដ្ឋានវប្បធម៌ មើលប្រាសាទបុរាណផ្សេង គឺសុទ្ធតែជួយការស្វែងយល់ ចេះគិត និងបំនិនជីវិតដល់កុមារ នេះជាហេតុផលមួយដែលខួរក្បាលពួកគេវិវឌ្ឍយ៉ាងល្អប្រសើរពេលធ្វើដំណើរកម្សាន្ត។
៣. បំបាត់ស្រែ្តសទាំង ឪពុកម្ដាយ និងកូនៗ
តាមការស្រាវជ្រាវមួយនៅឆ្នាំ២០១៥ ក្នុងចំណោមកុមារៗ ៧៥៤ អាយុចាប់ពី៨ឆ្នាំ ដល់១៤ឆ្នាំ។ ៧០% នៃកុមារទាំងនោះបានច្រើនថា ចំណាយពេលទៅដើរលេងជាមួយឪពុកម្ដាយធ្វើឲ្យពួកគេសប្បាយចិត្ត ពុំមានទុក្ខព្រួយអ្វីឡើយ។
៤. ដើរលេង និងថតរូបជួយឲ្យស្រស់ស្រាយសប្បាយចិត្ត ការស្រាវជ្រាវមួយនៃ សាកលវិទ្យាល័យ Yale បានឲ្យដឹងថា ការទៅដើរលេង ថតរូប ពេលញ៉ាំអាហារ ទៅកន្លែងកម្សាន្ត ទាំងនោះគឺសុទ្ធតែជួយសុខភាពផ្លូវចិត្តរបស់ពួកគេរីករាយនឹងអ្វីដែលខ្លួនមាន៕