ដួង ហ្សូរីដា ទៅបរិច្ចាគឈាមនៅអតីតសាលារបស់ខ្លួន

2017-02-23 23:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកមិញនេះកញ្ញា ដួង ហ្សូរីដា បានទៅបង្ហាញវត្តមានបរិច្ចាគឈាមនៅសាកលវិទ្យាល័យជាតិគ្រប់គ្រង ដែលជាអតីតសាលាដែលនាងធ្លាប់សិក្សាកន្លងមក។

នៅក្នុងកម្មវិធីបរិច្ចាគឈាមនៅសាកលវិទ្យាល័យជាតិគ្រប់គ្រងនេះដែរ ក្រោមប្រធានបទ "ឈាមនិស្សិតខ្ញុំ" ដែលដឹកនាំដោយសមាគមសិល្បៈស្ម័គ្រចិត្តជួយសង្គមរបស់អ្នកនាង ចន ច័ន្ទលក្ខិណា ក្នុងនោះ ក៏មានវត្តមានកញ្ញា ដួង ហ្សូរីដា និងអ្នកសិល្បៈជាច្រើនរូបទៀត។

ដួង ហ្សូរីដា បានប្រាប់ក្នុងគ្រុបសមាគមសិល្បករស្ម័គ្រចិត្តជួយសង្គមថា នាងមិនអាចខានទេ ព្រោះសាកលវិទ្យាល័យខាងលើ ជាទីដែលនាងបានបញ្ចប់ថ្នាក់បរិញ្ញាបត្រ។ ក្រោយបានចូលរួម នាងបន្តទៀតថា នាងត្រេកអរ ហើយកាន់តែត្រេកអរទៀត គឺនាងបានបញ្ចុះបញ្ចូល ចន ច័ន្ទលក្ខិណា បានសម្រេចក្រោយព្យាយាមជាច្រើនឆ្នាំ ដោយសារថាប្រធានសមាគមរូបនេះ ជាមនុស្សខ្លាចម្ជុលណាស់។

"ចូលរួមអបអរសាទរដែលបងស្រីសំណព្វចិត្តខ្ញុំ បង ចន ច័ន្ទលក្ខិណា អាចធ្វើបានក្នុងការយល់ព្រមស្ម័គ្រចិត្តយ៉ាងក្លាហានក្នុងការបរិច្ចាគឈាម ជាលើកទី១នៃការបញ្ចុះបញ្ចូល ការបបួលរបស់ខ្ញុំ អស់រយៈពេលជិត៤ឆ្នាំហើយ ព្រោះថាមិនហានទេគាត់ខ្លាចម្ជុលនិងឈាម"។ នេះបើតាម អ្នកនាង ដួង ហ្សូរីដា បង្ហោះនៅលើហ្វេសប៊ុក។

ព័ត៌មានបន្ថែមពីសកម្មភាពខាងលើ Sabay មិនអាចទាក់ទង ដួង ហ្សូរីដា បានទេ ដោយទូស័ព្ទនាង អត់មានអ្នកទទួល៕