រដ្ឋមន្ត្រីក្រសួងទេសចរណ៍ម៉ាឡេស៊ី ប្រាប់ពលរដ្ឋមិនឲ្យចូលកូរ៉េខាងជើង
- 2017-02-23 09:35:10
- ចំនួនមតិ 0 | ចំនួនចែករំលែក 0
រដ្ឋមន្ត្រីក្រសួងទេសចរណ៍ម៉ាឡេស៊ី ប្រាប់ពលរដ្ឋមិនឲ្យចូលកូរ៉េខាងជើង
ចន្លោះមិនឃើញ
នៅថ្ងៃព្រហស្បតិ៍ទី ២៣កុម្ភៈ រដ្ឋមន្ត្រីក្រសួងទេសចរណ៍ និងវប្បធម៌ម៉ាឡេស៊ី លោក Datuk Seri Mohamed Nazri Abdul Aziz បានណែនាំប្រជាជនម៉ាឡេស៊ីទាំងអស់មិនគួរទៅប្រទេសកូរ៉េខាងជើង ព្រោះជាហេតុផលសុវត្ថិភាព។ នេះបើតាមការចុះផ្សាយសារព័ត៌មានម៉ាឡេស៊ី The Star។
លោកបានរៀបរាប់ក្នុងអំឡុងពេលចូលរួមទិវាសិប្បកម្មជាតិលើកទី១៥ (National Craft Day) ថា "ប្រទេសកូរ៉េខាងជើង គឺជារដ្ឋទុច្ចរិត (Rogue State) ដែលយើងមិនអាចទាយដឹងមានអ្វីកើតឡើងបានទេ។ ខ្ញុំមិនចង់ឲ្យពលរដ្ឋម៉ាឡេស៊ីទៅកាន់កូរ៉េខាងជើងឡើយ។"
ការថ្លែងបែបនេះ គឺស្របគ្នាជាមួយរដ្ឋមន្ត្រីក្រសួងការបរទេសម៉ាឡេស៊ីលោក Datuk Seri Anifah Aman ដែលកូរ៉េខាងជើងចោទម៉ាឡេស៊ីថា បានបំផ្លាញទំនាក់ទំនងការបរទេស តាមរយៈករណីឃាតកម្មលោកគីម ជុងណាម កាលពីថ្ងៃទី១៣កុម្ភៈ។ លោកបន្ថែម "ពួកគេជារដ្ឋទុច្ចរិត។ ទីនេះមិនមែនកូរ៉េខាងជើងទេ ទីនេះជាម៉ាឡេស៊ី។ យើងមានច្បាប់ទម្លាប់របស់យើង។"
ក្នុងករណីនេះ កូរ៉េខាងជើងបានទាមទារយកសាកសពលោកគីម ជុងណាម ត្រលប់ទៅកូរ៉េខាងជើងវិញដោយមិនបាច់ធ្វើកោសល្យវិច័យ និងបន្ទោសម៉ាឡេស៊ីជាអ្នកធ្វើឲ្យគីម ជុងណាម ស្លាប់ទៀតផង៕