Girls' Genration ត្រៀមចេញអាល់ប៊ុមពិសេស សម្រាប់ខួប១០ឆ្នាំ
- 2017-02-24 00:11:00
- ចំនួនមតិ 0 | ចំនួនចែករំលែក 0
Girls' Genration ត្រៀមចេញអាល់ប៊ុមពិសេស សម្រាប់ខួប១០ឆ្នាំ
ចន្លោះមិនឃើញ
ក្រុមតារាចម្រៀងស្រីពោរពេញទៅដោយប្រជាប្រិយភាព Girls' Generation ត្រូវបានរាយការណ៍ឲ្យដឹងថា នឹងចេញអាល់ប៊ុមថ្មី ក្នុងឱកាសអបអរគម្រប់ខួប ១០ឆ្នាំនៃការបង្កើតក្រុម។
ផ្អែកលើគេហទំព័រ Sport DongA បានឲ្យដឹងថា ក្រុមតារាស្រី៨នាក់មួយនេះ មានគម្រោង ចេញអាល់ប៊ុមមួយក្នុងរដូវក្ដៅនេះ ដែលអាចនៅចុងខែកក្កដា ឬដើមខែសីហា ថ្ងៃ ៣ ដែលជាថ្ងៃក្រុមតារាចម្រៀងស្រីមួយនេះ ធ្លាប់បានចេញបទចម្រៀងល្បីដំបូងរបស់ពួកនាង ដែលមានចំណងជើងថា "Into the New World” ។
ប្រភពដដែលបន្តទៀតថា ថ្មីៗនេះក្រុមដែលបង្កើតឡើងក្នុងឆ្នាំ២០០៧មួយនេះ កំពុងតែរៀបចំអាល់ប៊ុមដ៏ពិសេសមួយនេះ ហើយចំពោះសមាជិកមួយចំនួនក្នុងក្រុម ក៏កំពុងជាប់រវល់ជាមួយការសម្ដែង ក៏ដូចជាចេញបទចម្រៀងទោលផងដែរ។ នេះជារយៈពេលរងចាំដ៏យូរ បន្ទាប់ពីពួកគេចេញអាល់ប៊ុមចុងក្រោយ "Lion Heart” កាលពី២ឆ្នាំមុន នាឆ្នាំ ២០១៥៕