"កាហ្វេឡាតេ" ភាគ៣ តួប្រុសបង្ហាញជំនាញញ៉ែស្រី ដុតឡើងដ្រាម៉ាសាហាវ ដាក់បានម៉ាខ្សឺត
- 2017-02-24 02:09:00
- ចំនួនមតិ 0 | ចំនួនចែករំលែក 0
"កាហ្វេឡាតេ" ភាគ៣ តួប្រុសបង្ហាញជំនាញញ៉ែស្រី ដុតឡើងដ្រាម៉ាសាហាវ ដាក់បានម៉ាខ្សឺត
ចន្លោះមិនឃើញ
រឿងភាគថ្មីជាសេរ៊ីបែប web-drama "កាហ្វេឡាតេ ឬ Cafe Latte" ត្រូវក្រុមការងារ Prahok TV ចេញផ្សាយភាគទី៣ ហើយ កាលពីម្សិលមិញនេះ លើផេកហ្វេសប៊ុក ខណៈដែលសម្បូរឈុតឆាកអេមៗម៉ង។
ក្នុងនោះ ឈុតដែលគួរឲ្យចាប់អារម្មណ៍ខ្លាំង គឺត្រង់តួឯកប្រុស AJ ក្នុងវគ្គ១ "សម្រស់ និងខួរក្បាល" នេះ បើកឡានជូនតួស្រី នីណា ទៅផ្ទះ។ តែមានទៅដឹងឯណាលោក! ពេលឈប់ឡានដល់ផ្ទះង៉ឹក AJ ក៏បញ្ចេញស្ទីលញ៉ែស្រី យ៉ាងសាហាវ ធ្វើឲ្យស្រីៗពិបាកនឹងហាមាត់បដិសេធមាត់ផ្អែមអូសក្រឡារបស់ AJ។ ទីបំផុត AJ បានថើបតួស្រី នីណា មួយខ្សឺតមែន។
ចង់ដឹង "កាហ្វេឡាតេ" ភាគ៣ ល្អមើល៍ប៉ុណ្ណា សូមមើលវីដេអូខាងក្រោម៖
សូមមើលភាគ១ និង២៖
Prahok TV នឹងត្រូវចេញផ្សាយ ១ សប្ដាហ៍ ២ ភាគ រាល់ថ្ងៃពុធ និងព្រហស្បតិ៍។ "កាហ្វេឡាតេ" សរុបមាន ៣០ ភាគ ចែកជាវគ្គផ្សេងៗគ្នា ដោយមានលោក ប៊ើរី ដើរតួឯកឈ្មោះ ហ្វីល។ ហ្វីល ជាទេវតាអផ្សុកខ្លាំង រួចក៏សម្រេចចិត្តមកលេងឋានមនុស្ស។ របស់ទី១ ដែលហ្វីលសាកនៅឋានមនុស្ស គឺកាហ្វេឡាតេ ហើយក៏ចូលចិត្តខ្លាំង។ ហ្វីលក៏សម្រេចនៅឋានមនុស្ស រួចបើកហាងកាហ្វេ គ្រាន់តែសម្រាប់កម្សាន្តប៉ុណ្ណោះ។ មនុស្សជាច្រើនទៅហាងកាហ្វេ ដើម្បីជួបជុំគ្នាជាមួយមិត្តភ័ក្ដិ ជជែកពីនេះពីនោះ ចែករំលែកភាពរីករាយ ប៉ុន្តែក៏មានអ្នកដែលចែករំលែកក្តីទុក្ខព្រួយដែរ។ ហ្វីលចាប់អារម្មណ៍ថាមនុស្សមួយចំនួនតែងប្រាថ្នាចង់បានអ្វីមួយខ្លាំងហួសហេតុ ទោះបីជារឿងនោះជារឿងមិនត្រឹមត្រូវ ឬខុសសីលធម៌ក៏ដោយ ក៏ពួកគេនៅតែចង់ធ្វើមិនខ្វល់ថាប៉ះពាល់ដល់អ្នកណាខ្លះ ឬក៏ពួកគេត្រូវលះបង់អ្វីមួយនោះទេ។
ហ្វីលសម្រេចចិត្តផ្ដល់បទពិសោធន៍ដល់ពួកគេដោយជួយសម្រេចក្ដីប្រាថ្នានោះ ប៉ុន្តែផ្ទុយទៅវិញពួកគេបែរជាចង់បានថែម។ ហ្វីល យល់ថា មនុស្សម្នាក់ពេលចង់បានអ្វីមួយខ្លាំងហួសហេតុពេក ប្រៀបដូចជាឃុំខ្លួនឯងក្នុងគុកដែលមានតែបង្អួចតូចមួយមើលមិនឃើញរឿងផ្សេង។ ជួនកាល គេចង់បានរបស់អ្វីមួយ ហើយគិតថាវាសំខាន់ តែពេលទទួលបានរបស់នោះទើបដឹងថាវាមិនសំខាន់នោះទេ ប៉ុន្តែជួនកាលវាអាចនឹងហួសពេលត្រឡប់ក្រោយ។ ហ្វីល ចាប់ផ្ដើមជួយពីមនុស្សម្នាក់ទៅមនុស្សម្នាក់ដោយប្រើវិធីខុសៗគ្នា៕