គិរីដងរ៉ែក A រំពឹងលើកពាន Tiger Street Football Festival 2017 លើកទី៣

2017-02-24 03:07:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ជើងឯកប្រចាំមណ្ឌលសៀមរាបពីរឆ្នាំជាប់គ្នា២០១៥ និង២០១៦ គិរីដងរ៉ែក A រំពឹងលើកពាន Tiger Street Football 2017 ប្រចាំមណ្ឌលមួយនេះជាលើកទី៣ ។

អេង ស៊ីនតារា(ខ្ពស់ជាងគេ និងយុវជនគិរីដងរ៉េក)

គិរីដងរ៉ែកជាក្រុមបាល់ទាត់ខ្លាំងមួយក្នុងខេត្តសៀមរាប ដែលគ្រប់មហាជនក្នុងខេត្តមួយនេះដឹងថា ជាក្រុមមានកីឡាករល្អៗច្រើនទាំងយុវជន និងឈុតធំ។ ជាងនេះទៅទៀតក្រុមមួយនេះធ្លាប់ចូលរួមលេងពានរង្វាន់មហាជន និងពានរង្វាន់ផ្សេងៗទៀតជាច្រើនក្នុងខេត្ត។

បើតាមលោក អេង ស៊ីនតារា អ្នកដឹកនាំក្រុមគិរីដងរ៉ែកបានឲ្យដឹងថា ក្នុងពានរង្វាន់ខាងលើនារដូវកាលនេះក្រុមបាល់ទាត់របស់លោកបានបែងចែកជា ៥ក្រុម។ ក្រុមទាំង៥ នេះមានមួយក្រុមដែលលោកគិតថា អាចលើកពានគឺគិរីដងរ៉ែក A ដែលមានសុទ្ធតែកីឡាករឆ្នើមៗទាំងអស់តែម្ដង។

អ្នកដឹកនាំវ័យក្មេងរូបនេះបន្ថែមថា រដូវកាលនេះមានក្រុមចូលរួមច្រើនមែនទែននៅសៀមរាបរហូតដល់ទៅ១០៨ក្រុម ។ ប៉ុន្តែលោកនៅតែសង្ឃឹមលើកពាន ដោយលើកហេតុផលថាក្នុងចំណោមក្រុមទាំងអស់មានមួយចំនួនធំលោកដឹងសមត្ថភាព ហើយមួយផ្នែកតូចជាក្រុមថ្មីទើបបង្កើតឡើង ដែលមិនមានឈ្មោះល្បី។

ការប្រកួតបាល់ទាត់ Tiger Street Football Festival 2017 ប្រចាំមណ្ឌលសៀមរាបចាប់ផ្ដើមវគ្គជម្រុះព្រឹកមិញនេះ ដែលមាន២២គូ នឹងគ្រោងរកឃើញជើងឯកល្ងាចថ្ងៃទី២៦ ខែកុម្ភៈ ឆ្នាំ២០១៧ ។ ខណៈក្រុមគិរីដងរ៉េក A នឹងចាប់ផ្ដើមប្រកួតជម្រុះរសៀលស្អែក។

សូមបញ្ជាក់ថា ប្រាក់រង្វាន់នៅសៀមរាបអ្នកលេខ១ទទួលបាន១៥០០ដុល្លារអាមេរិក លេខ២ទទួលបាន១០០០ដុល្លារអាមេរិក លេខ៣ទទួលបាន៥០០ដុល្លារអាមេរិក និងលេខ៤ទទួលបាន២០០ដុល្លារអាមេរិក។ មណ្ឌលសៀមរាបកំណត់យកចំនួន១០ក្រុមទៅធ្វើការប្រកួតដំណាក់កាលផ្ដាច់ព្រ័ត្រនៅភ្នំពេញនាថ្ងៃទី១១ ខែមីនា ឆ្នាំ២០១៧៕

សកម្មភាពប្រកួតព្រឹកមិញ៖