បុរសម្នាក់ដឹកទឹក មួយថ្ងៃៗរាប់សិបគីឡូម៉ែត្រ ទៅចាក់ក្នុងបឹងរាំងស្ងួតមួយដើម្បីជួយសត្វព្រៃ

2017-02-25 07:14:52
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសម្នាក់ឈ្មោះ Patrick Kilonzo Mwalua បានធ្វើរឿងដ៏គួរឲ្យសរសើរមួយ គឺបានបើកឡានដឹកទឹកអស់ពេលជាច្រើនម៉ោង ជារៀងរាល់ថ្ងៃ ដើម្បីទៅចាក់ក្នុងបឹងរាំងស្ងួតនៅឧទ្យាន Tsavo West National Park ស្ថិតក្នុងប្រទេស កេនយ៉ា។

ទឹកចំណុះជាង១ម៉ឺនលីត្រ ត្រូវ Mwalua ដឹកឆ្លងកាត់វាលរហោស្ថាន និងព្រៃដើម្បីយកទៅជួយជីវិតសត្វជាច្រើនក្បាលដែលរស់នៅក្នុងឧទ្យាន ព្រោះទីនោះគ្មានទឹកឲ្យពួកវាផឹកទេ។ បុរសវ័យ៤១ឆ្នាំ បានចាប់ផ្ដើមបេសកកម្មនេះតាំងពីឆ្នាំមុនមកម្ល៉េះ ហើយគ្រោងនឹងធ្វើវាបន្តនៅកន្លែងរាំងស្ងួតផ្សេងទៀត។ គេជឿជាក់ថា បើសកម្មភាពនេះត្រូវបញ្ឈប់សត្វព្រៃ ទាំងនោះអាចនឹងងាប់ដោយការស្រេកទឹក។ "បើយើងមិនជួយពួកគេទេ ពួកគេនឹងស្លាប់មិនខាន"

ជនជាតិកេនយ៉ាខាងលើ បានជួលឡានដើម្បីដឹកទឹកប៉ុណ្ណោះ ពោលគឺមិនមានឡានខ្លួនឯងឡើយ ហើយសកម្មភាពដែលខ្លួនធ្វើជារៀងរាល់ថ្ងៃ គឺមិនមានចំណូលទេ តែក្រោយមក Mwalua ទទួលបានជំនួយមួយចំនួនពីសប្បុរសជននានាដើម្បីបន្តកិច្ចការជួយសង្គ្រោះសត្វព្រៃតទៅមុខទៀត៕