ផលិតផលថ្មីមួយទៀតនឹងមានវត្តមានក្នុងទីផ្សារកម្ពុជាឆាប់ៗ
- 2017-02-25 15:27:24
- ចំនួនមតិ 0 | ចំនួនចែករំលែក 0
ផលិតផលថ្មីមួយទៀតនឹងមានវត្តមានក្នុងទីផ្សារកម្ពុជាឆាប់ៗ
ចន្លោះមិនឃើញ
ផលិតផលថ្មីមួយទៀតរបស់ក្រុមហ៊ុនខ្មែរ ប៊ែវើរីជីស លីមីតធីត ដែលផលិតស្រាបៀរកម្ពុជា នឹងចាប់ផ្តើមមានវត្តមានក្នុងទីផ្សារកម្ពុជាក្នុងពេលឆាប់ៗនេះ ប៉ុន្តែរហូតមកដល់ពេលនេះ ពុំទាន់មាននរណាម្នាក់អាចបញ្ជាក់បានទេថា នេះជាផលិតផលអ្វី។
ការលើកឡើងបែបនេះ ដោយសារក្នុងពេលថ្មីៗនេះ ឃើញមានវីដេអូពាណិជ្ជកម្មរបស់ផលិតផលថ្មីមួយ បានចាប់ផ្តើមចាក់ផ្សាយតាមកញ្ចក់ទូរទស្សន៍នានា និងឃើញផ្ទាំងពាណិជ្ជកម្មផលិតផលដដែលនេះ បង្ហាញខ្លួនតាមដងវិថីសំខាន់ៗមួយចំនួននៅកម្ពុជា រួមមាន នៅជិតអាកាសយាន្តដ្ឋានភ្នំពេញអន្តរជាតិ ជិតរង្វង់មូលសម្តេចសង្ឃជួនណាត លើផ្លូវជាតិលេខ៤ ច្រកចូលក្រុងព្រះសីហនុ និងតាមវិថីមួយចំនួនទៀតក្នុងរាជធានីភ្នំពេញ និងបណ្តាខេត្តនានា។
ក្នុងផ្ទាំងពាណិជ្ជកម្ម គេឃើញបុរសម្នាក់ក្នុងឈុតខ្មៅកំពុងដើរសំដៅទៅរករទេះមួយក្នុងចម្ការស្រូវសាលីពណ៌លឿងទុំយ៉ាងស្រស់ស្អាត អមដោយពាក្យស្លោក «ស្វែងរកពិភពអច្ឆរិយពណ៌ខ្មៅដ៏អស្ចារ្យរបស់អ្នក ឬ FIND YOUR BLACK WONDERLAND»។
ផេកហ្វេសប៊ុកថ្មីមួយឈ្មោះថា «Barrley Black» ត្រូវបានបង្កើតឡើង ដោយប្រើប្រាស់ផ្ទាំងពាណិជ្ជកម្មផលិតផលមួយនេះជារូបក្នុង Profile និង Cover Page ។
អ្នកប្រើប្រាស់បណ្តាញសង្គមហ្វេសប៊ុកមួយចំនួនទាយថា “Barrley Black” ជាឈ្មោះស្រាបៀរទឹកខ្មៅប្រភេទថ្មីរបស់ក្រុមហ៊ុនខ្មែរ ប៊ែវើរីជីស លីមីតធីត ប៉ុន្តែខាងក្រុមហ៊ុនមិនទាន់បញ្ជាក់ជាផ្លូវការនោះទេថា “Barrley Black” ពិតជាឈ្មោះផលិតផលថ្មី ហើយវាពិតជាស្រាបៀរទឹកខ្មៅមែនឬយ៉ាងណានោះទេ៕