ឡូយ! DJ ខេក ចាប់ដៃគូជាមួយបារាំង និងអាមេរិកផលិតបទថ្មី

2017-02-27 08:43:10
ចំនួនមតិ 0 | ចំនួនចែករំលែក 0

ចន្លោះមិនឃើញ

បទថ្មីរបស់DJ ខេក " I Am Old School " ដែលទើបនឹងចេញនៅពេលថ្មីៗនេះបានធ្វើឲ្យប្រិយមិត្តមានការកោតសរសើរយ៉ាងខ្លាំង ព្រោះបទនេះបានរំលេចនូវវប្បធម៌របស់ខ្មែរ អ្វីដែលពិសេសទៀតនោះ មានការច្រៀងរួមគ្នាជាមួយបរទេសដល់តែ២រូបទៀតផង។

DJ ខេក ប្រាប់ថាបទនេះផ្ទាល់គឺលោកបានចំណាយពេលផលិតអស់ជាង៣ខែជាមួយដៃគូរបស់លោក ម្នាក់ជាជនជាតិអាមេរិកឈ្មោះ Parker Jones ម្នាក់ទៀត 12ME ជាជនជាតិបារាំង ក្នុងគោលបំណងបង្ហាញ និងណែនាំនូវវប្បធម៌ខ្មែរទៅកាន់ពិភពលោកឲ្យគេបានស្គាល់។ ឯមូលហេតុដែលលោកចាប់ដៃគូជាមួយអ្នកទាំង២នេះព្រោះថា ពួកគេអាចនឹងបង្ហាញស្នាដៃថ្មីនេះទៅប្រទេសជាតិរបស់ខ្លួន និងផ្សព្វផ្សាយវប្បធម៌ខ្មែររបស់យើងបានកាន់តែទូលំទូលាយ តួយ៉ាងនៅពេលថ្មីនេះអ្នកទាំងពីរកំពុងទាក់ទងទៅកាន់ Channel ក្នុងស្រុករបស់ខ្លួនឲ្យដាក់ផ្សាយបទនេះ។

រូបខាងស្តាំ12ME, DJ Cake, Parker Jones

DJ ខេក បញ្ជាក់ថាលោក និងដៃគូទាំងពីរស្គាល់គ្នាបានរយៈពេល៣ហើយ ដែលកន្លងមកផលិតចម្រៀងរួមគ្នាបាន២បទគឺបទ " I Am Old School " នេះ និងបទ "កាលពីខ្ញុំនៅក្មេង" ដែលត្រៀមចេញ MV ក្នុងពេលឆាប់ៗ។

តោះ! ទស្សនាបទថ្មី " I Am Old School " ពី DJ ខេក ទាំងអស់គ្នា!!!