Liverpool ចាញ់ Leicester ដែលគ្មានអ្នកចាត់ការដឹកនាំ ៣-១
- 2017-02-28 01:05:05
- ចំនួនមតិ 0 | ចំនួនចែករំលែក 0
Liverpool ចាញ់ Leicester ដែលគ្មានអ្នកចាត់ការដឹកនាំ ៣-១
ចន្លោះមិនឃើញ
ហង្សក្រហម Liverpool បានបរាជ័យក្រោមថ្វីជើងក្រុម Leicester City ៣-១ បើទោះជាក្រុមម្ចាស់ផ្ទះមិនទាន់មានអ្នកចាត់ការទូទៅថ្មីមកដឹកនាំក៏ដោយ។
ការប្រកួតយប់មិញនេះក្រុមការពារតំណែងជើងឯកចាស់ លេងបានយ៉ាងល្អ ហើយបង្កើតឱកាសគ្រាប់ទីមួយនៅនាទី ២៨ ដោយ Jamie Vardy ដែលជាបាល់វាយបកលឿនៗ បន្ទាប់ពី Wijnaldum ធ្វើឲ្យខូចបាល់។ គ្រាប់ទីពីរកើតឡើងនៅ ១១នាទី តាមរយៈខ្សែបម្រើ Drinkwater ស៊ុតពីចម្ងាយ Volley យ៉ាងអស្ចារ្យ។
ចូលដល់វគ្គទីពីរ Leicester នៅតែបន្តវាយសម្រុក និងបន្ថែមបានមួយគ្រាប់ទៀតដោយ Vardy ដដែលតាមរយៈការលោតតែតបញ្ចូលទីនៅនាទី៦០។ យ៉ាងណាក៏ដោយនៅនាទី ៦៨ Coutinho បានអូសបាល់ស៊ុតដាច់ចង្កេះ អ្នកចាំទី Schmeichel ឲ្យ Liverpool បានមួយគ្រាប់វិញដើម្បីលួងចិត្តអ្នកគាំទ្រ៕