គិរីដងរ៉ែក អត់លើកពាន Tiger Street Football Festival 2017 តែជោគជ័យរឿងមួយ
- 2017-02-28 02:51:16
- ចំនួនមតិ 0 | ចំនួនចែករំលែក 0
គិរីដងរ៉ែក អត់លើកពាន Tiger Street Football Festival 2017 តែជោគជ័យរឿងមួយ
ចន្លោះមិនឃើញ
ក្រុមបាល់ទាត់គិរីដងរ៉ែក FC A បង្ហើបថា ទោះក្លឹបរបស់គេមិនបានលើកពានតែជោគជ័យរឿងមួយគឺកីឡាករក្នុងក្រុមមួយនេះចំនួន ៤រូប នឹងបានបង្ហាញខ្លួនក្នុងលីគកំពូលកម្ពុជានាឆ្នាំនេះ និងឆ្នាំក្រោយ។
ក្រុមបាល់ទាត់គិរីដងរ៉េក FC A ទទួលបានចំណាត់ថ្នាក់លេខ២ ក្នុងការប្រកួតពានរង្វាន់ Tiger Street Football Festival 2017 ប្រចាំមណ្ឌលខេត្តសៀមរាប ដោយចាញ់ក្រុម Siem Reap FC ក្នុងវគ្គផ្ដាច់ព្រ័ត្រ២-០។
លោក អេង ស៊ីនតារា អ្នកដឹកនាំក្រុមគិរីដងរ៉ែកបានឲ្យដឹងថា កីឡាកររបស់លោកនាឆ្នាំនេះមាន ជី សុងតាក់ ហម បញ្ញ បានលេងនៅក្លឹបអាជីព និងមានពីររូបទៀត នឹងទៅចូលរួមលេងលីគកំពូលកម្ពុជានាឆ្នាំក្រោយ។ ពួកគេទាំង ៤នាក់នេះត្រូវបានក្លឹបទាក់ទងមក និងបានចុះកុងត្រារួចរាល់។
អ្នកដឹកនាំរូបនេះបន្ថែមថា ដំបូងឡើយរំពឹងលើកពាន Tiger Street Football Festival 2017 ដើម្បីការពារតំណែងជើងឯក ប៉ុន្តែដោយភ្លាត់ចាញ់ក្រុមខាងលើនៅវគ្គផ្ដាច់ព្រ័ត្រធ្វើឲ្យលោកខកចិត្តខ្លាំងមែនទែន។ ទោះបីបានត្រឹមលេខ២ លោកគិតថា កីឡាកររបស់លោកមានសង្ឃឹមអាចលេងបានល្អក្នុងការប្រកួតដំណាក់កាលផ្ដាច់ព្រ័ត្រនៅភ្នំពេញ។
សម្រាប់ប្រាក់រង្វាន់ជយលាភីទូទាំងប្រទេសលេខ ១ទទួលបាន១៥០០ដុល្លារអាមេរិក លេខ២ ទទួលបាន ៥០០០ ដុល្លារអាមេរិក លេខ ៣ទទួលបាន២៥០០ ដុល្លារអាមេរិក និងលេខ ៤ទទួលបាន ១០០០ ដុល្លារអាមេរិក។ ពេលវេលាប្រកួតដំណាក់កាលផ្ដាច់ព្រ័ត្រថ្ងៃទី១២ ខែមីនា ឆ្នាំ២០១៧ នៅកោះពេជ្រ៕