អតីតគ្រូបឹងកេត «លីគកំពូលកម្ពុជាអត់សូវរីកចម្រើនមកពីមានអ្នកគាំទ្រតិច»

2017-02-28 07:23:39
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតគ្រូបង្វឹកក្រុមបាល់ទាត់បឹងកេតអង្គរ លោកប្រាក់ សុវណ្ណារ៉ា ថាអ្នកមើលបាល់ទាត់មួយចំនួនទៅចូលរួមគ្រាន់តែដើម្បីសប្បាយតែប៉ុណ្ណោះមិនទាន់ស្រឡាញ់និងចូលចិត្តនោះទេ។

លោកគ្រូ ប្រាក់ សុវណ្ណារ៉ា

លោក ប្រាក់ សុវណ្ណារ៉ា បានឲ្យដឹងថាមូលហេតុដែលបាល់ទាត់លីគកំពូលកម្ពុជាមិនសូវមានមនុស្សចូលមើលឬគាំទ្រច្រើនព្រោះ មិនទាន់មានអ្នកចូលចិត្តវិស័យមួយនេះខ្លាំងខ្លានោះទេ។ តែចំពោះការប្រកួតជាលក្ខណៈអន្តរជាតិរវាងប្រទេសនិងប្រទេសវិញ លោកមើលឃើញថាមានការចូលរួមច្រើនកុះករ គ្រូរូបនេះគិតថាអ្នកចូលរួមមួយចំនួនធំគឺគេទៅដើម្បីកម្សាន្តជាមួយក្រុមមិត្តភ័ក្ដិនិងក្រុមគ្រួសារនោះទេ។

អ្នកគាំទ្របាល់ទាត់កម្ពុជាពេលក្រុមជម្រើសជាតិទាត់

ក្នុងការប្រកួតក្រុមជម្រើសជាតិនាពេលកន្លងមក មានការសម្ដែងសិល្បៈមានកម្មវិធីបន្ទាប់បន្សំជាច្រើនទៀត ទាំងនេះហើយជាមូលហេតុដែលពួកគេទៅចូលរួមបានច្រើននោះ ប៉ុន្តែក៏មានអ្នកស្រឡាញ់និងគាំទ្រវិស័យបាល់ទាត់មែនទែនដែរ។ គេទៅដើម្បីលើកទឹកចិត្តកីឡាករឲ្យឈ្នះការប្រកួតនិងចង់ឃើញកីឡាករដែលខ្លួនស្រឡាញ់លេងផងដែរ។

អ្នកគាំទ្របាល់ទាត់ឬលីគកំពូលកម្ពុជានាពេលបច្ចុប្បន្ននៅមានចំនួនតិចតួចណាស់ ជាក់ស្ដែងមិនថាការប្រកួតរវាងក្រុមខ្លាំងៗនៅកម្ពុជាយ៉ាងណាក៏ដោយ។ នេះជាហេតុដែលធ្វើឲ្យវិស័យបាល់ទាត់កម្ពុជាមិនសូវរីកចម្រើនដូចបណ្ដាប្រទេសជិតខាងមួយចំនួន វាខុសពីប្រទេសថៃ ឥណ្ឌូនេស៊ី និងវៀតណាមជាដើមដែលពេលប្រកួតលីគកំពូលម្ដងៗមានអ្នកចូលទស្សនាស្ទើរស្មើក្រុមជម្រើសជាតិទាត់តែម្ដង។

ក្រុមបាល់ទាត់ ការពារជាតិ អាវពណ៌ទឹកក្រូច

លោក ប្រាក់ សុវណ្ណារ៉ា ធ្លាប់ដឹងនាំឲ្យក្រុមបាល់ទាត់ បឹងកេតអង្គរ ឈ្នះពានរង្វាន់លីគកំពូងកម្ពុជាឆ្នាំ ២០១៦ នារដូវការមុន នៅពេលនេះគ្រូដែលមានបទពិសោធន៍ខាងបាល់ទាត់ច្រើនរូបនេះ នៅមិនទាន់មានមុខតំណែងឬគ្រប់គ្រងខាងផ្នែកណាមួយទាក់ទងនិងបាល់ទាត់នោះទេ៕

អត្ថបទ៖ នួន ស៊ីណា