ត្រាំ អាចជាប្រធានាធិបតីអាមេរិកដំបូង ក្នុងពេល១៣០ឆ្នាំ ដែលមិនធ្វើរឿងនេះក្នុងសេតវិមាន
- 2017-03-01 01:09:21
- ចំនួនមតិ 0 | ចំនួនចែករំលែក 0
ត្រាំ អាចជាប្រធានាធិបតីអាមេរិកដំបូង ក្នុងពេល១៣០ឆ្នាំ ដែលមិនធ្វើរឿងនេះក្នុងសេតវិមាន
ចន្លោះមិនឃើញ
មនុស្សជាច្រើននិយាយថា សត្វសុនខ គឺជាមិត្តល្អរបស់មនុស្សប្រុស ប៉ុន្តែ លោក ដូណាល់ ត្រាំ ប្រហែលជាមិនគិតបែបនេះឡើយ ហើយអាចក្លាយជាប្រធានាធិបតីអាមេរិកដំបូងបង្អស់ ក្នុងរយៈពេលជិត១៣០ឆ្នាំ ដែលមិនមាន ឬ ចិញ្ចឹមសត្វសុនខ នៅក្នុងសេតវិមាន។
ប្រធានាធិបតីអាមេរិកភាគច្រើន សុទ្ធតែមានចិញ្ចឹមសត្វសុនខ តិចបំផុតមួយក្បាល និងខ្លះច្រើនក្បាល។
អតីតប្រធានាធិបតីអាមេរិក ទី៤៤ លោក បារ៉ាក់ អូបាម៉ា មានសត្វសុនខ ពូជ Portuguese Water Dog ចំនួន២ក្បាល មានឈ្មោះថា Sunny និង Bo។ ចំណែកឯ អតីតប្រធានាធិបតីអាមេរិក ទី៤៣ លោក George W Bush ក៏មានចិញ្ចឹមសត្វសុនខ ២ក្បាលនៅក្នុងសេតវិមានដែរ គឺពូជ Terrier និង Spaniel ខណៈ អតីតប្រធានាធិបតីអាមេរិក ទី៤២ លោក Bill Clinton ធ្លាប់ចិញ្ចឹមសត្វសុនខមួយក្បាល ពូជ Labrador មានឈ្មោះថា Buddy។
ពាក្យចចាមអារ៉ាម កាលពីខែមុន បាននិយាយថា លោក ត្រាំ អាចនឹងទទួលយកសត្វសុនខ ពូជ Goldendoodle មួយក្បាល មានឈ្មោះថា Patton ពីមិត្តភ័ក្ដិរបស់លោក ឈ្មោះ Lois Pope មកចិញ្ចឹម។ ប៉ុន្តែក្រោយមក លោកស្រី Pope បានសម្រេចចិត្តរក្សា Patton ទុកចិញ្ចឹមខ្លួនឯងវិញ។ រហូតមកដល់ពេលនេះ លោក ត្រាំ មិនទាន់មានគម្រោងចង់ចិញ្ចឹមសត្វសុនខឡើយ។
គួរឲ្យដឹងដែរថា ប្រធានាធិបតីអាមេរិកចុងក្រោយបង្អស់ ដែលមិនមានចិញ្ចឹមសត្វសុនខ គឺ ប្រធានាធិបតីអាមេរិក ទី២៥ លោក William McKinley ដែលបានស្លាប់ដោយសារជំងឺដំបៅរលួយ (Gangrene) ក្រោយកាន់តំណែងអាណត្តិទី២ បាន១ឆ្នាំ៕