ធ្លាក់យន្តហោះលើដំបូលផ្ទះ ស្លាប់៣នាក់នៅអាមេរិក
- 2017-03-01 01:17:59
- ចំនួនមតិ 0 | ចំនួនចែករំលែក 0
ធ្លាក់យន្តហោះលើដំបូលផ្ទះ ស្លាប់៣នាក់នៅអាមេរិក
ចន្លោះមិនឃើញ
នៅប៉ុន្មានម៉ោងនេះមានហេតុការណ៍ធ្លាក់យន្តហោះធន់ស្រាលប្រភេទ Cessna 310 បានបុកដំបូលផ្ទះប្រជាជនដោយបានសម្លាប់មនុស្ស ៣នាក់ និងរបួស២នាក់ផ្សេងទៀតនៅរដ្ឋកាលីហ្វញ៉ា។
បើតាមប្រភព ABC ផ្សាយថាអ្នកជិះលើយន្តហោះមានយុវជនម្នាក់ យុវនារី៣នាក់ និងក្មេងស្រីម្នាក់ ដែលធ្វើដំណើរចេញពីព្រលានយន្តហោះ Riverside កាលពីល្ងាចថ្ងៃច័ន្ទ។ ពួកគេបានត្រលប់មកផ្ទះវិញនៅ San Jose ក្រោយចេញពីពិធីមួយនៅសួនកម្សាន្ត Disneyland។ ជនរងគ្រោះមិនទាន់កំណត់អត្តសញ្ញាណបាននៅឡើយទេ។
នារីម្នាក់អង្គុយនៅកៅអីក្រោយយន្តហោះ បានរងរបួសស្រាល ខណៈយន្តហោះបានបែកខ្ញែកចេញពីគ្នា។ បន្តិចក្រោយមកនាងបានលូនចេញពីយន្តហោះគ្រោះថ្នាក់រួចសុំឲ្យគេជួយ និងអាចនិយាយទៅកាន់ក្រុមពន្លត់អគ្គីភ័យពីរឿងរ៉ាវកើតឡើងខ្លះៗ មុនគេបញ្ជូននាងទៅមន្ទីរពេទ្យ។ នារីរងគ្រោះម្នាក់ទៀតត្រូវភ្លើងឆេះខ្លាំងកម្រិតទី៣។
សាក្សីឃើញហេតុការណ៍ម្នាក់និយាយថា ស្លាបយន្តហោះស្ទើរតែប៉ះដីមុនពេលហោះទៅបុកផ្ទះ។ ចុងក្រោយក្រុមសង្គ្រោះប្រមាណ ៦០នាក់ បានពន្លត់ និងជួយទាញសាកសពចំនួន ៣នាក់ចេញពីយន្តហោះ។ ចំណែកមូលហេតុនៃការធ្លាក់មិនទាន់ដឹងច្បាស់នៅឡើយទេ៕