៥៦ក្រុម នឹងប្រជែងគ្នាយកជើងឯកមណ្ឌលកំពង់ចាមពាន Tiger Street Football Festival 2017
- 2017-03-03 09:56:02
- ចំនួនមតិ 0 | ចំនួនចែករំលែក 0
៥៦ក្រុម នឹងប្រជែងគ្នាយកជើងឯកមណ្ឌលកំពង់ចាមពាន Tiger Street Football Festival 2017
ចន្លោះមិនឃើញ
ពានរង្វាន់ Tiger Street Football Festival 2017 នៅមណ្ឌលកំពង់ចាមបានចាប់ឆ្នោតគូប្រកួតអស់ហើយ ដោយមានក្រុមចូលរួមចំនួន៥៦ក្រុម ចាប់ផ្ដើមប្រកួតចាប់ពីព្រឹកស្អែកនេះតទៅនៅមុខសាលាគរុកោសល្យភូមិភាគខេត្ត ខេត្តកំពង់ចាម។
ដោយនេះគឺជាមណ្ឌលទី៤ហើយសម្រាប់ការប្រកួតបានរង្វាន់ខាងលើ ត្បិតអីនៅក្នុងមណ្ឌលកំពង់ចាមនេះ នឹងត្រូវជ្រើសរើសយក៦ក្រុមប៉ុណ្ណោះក្នុងចំណោម៥៦ក្រុមដែលដាក់ពាក្យចូលរួមប្រកួត។ ការប្រកួតនឹងធ្វើឡើងរយៈពេល២ថ្ងៃចាប់ពីថ្ងៃទី៤និងទី៤ខែមីនាឆ្នាំ២០១៧នេះ ខណៈដែលច្បាប់នៃការប្រកួត និងលក្ខខណ្ឌនានាក៏មិនខុសពីមណ្ឌលផ្សេងៗទៀតកន្លងទៅដែរ។
ចំពោះប្រាក់រង្វាន់វិញ សម្រាប់មណ្ឌលកំពង់ចាម អ្នកលេខ ១ ទទួលបាន ១៥០០ ដុល្លារ លេខ ២ ទទួលបាន ១០០០ ដុល្លារ លេខ៣ ទទួលបាន ៥០០ ដុល្លារ និងលេខ ៤ ទទួលបាន ២០០ ដុល្លារ។ ខណៈដែល២ក្រុមទៀត មិនទទួលបានប្រាក់រង្វាន់ទេ តែក្រុមហ៊ុន Tiger នឹងរ៉ាប់រងចំពោះការចាយវាយរបស់ពួកគេអំឡុងពេលឡើងទៅប្រកួតវគ្គផ្ដាច់ព្រ័ត្រទូទាំងប្រទេសនៅរាជធានីភ្នំពេញ។
ដោយការប្រកួតនៅវគ្គផ្ដាច់ព្រ័ត្រនឹងធ្វើឡើងនៅថ្ងៃទី១២ខែមីនាខាងមុខនេះ នៅមុខសាលមហោស្រពកោះពេជ្រ។ ដោយប្រាក់សម្រាប់ក្រុមជើងឯកទូទាំងប្រទេសរួមមានជើងឯក ១៥ ០០០ដុល្លារ ជើងឯករង ៥ ០០០ដុល្លារ ចំណាត់ថ្នាក់លេខ៣បាន ២ ៥០០ដុល្លារ និងចំណាត់ថ្នាក់លេខ ៤បាន ១០០០ ដុល្លារ៕