Inter KPC ម្ចាស់ជើងឯក Tiger Street Football Festival 2017 នៅមណ្ឌលកំពង់ចាម

2017-03-05 13:13:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមInter KPC បានក្លាយជាម្ចាស់ជើងឯកពានរង្វាន់ Tiger Street Football Festival 2017 នៅមណ្ឌលកំពង់ចាមហើយ ក្រោយពីធ្វើការប្រកួតស្វិតស្វាញអស់រយៈពេល២ថ្ងៃមកនេះ។

ក្រុម Inter KPC ដែលពោរពេញដោយកីឡាករល្អៗច្រើននោះ បានយកឈ្នះដៃគូប្រកួតតាំងពីម្សិលមិញមក យ៉ាងស្រួលៗបំផុត ខណៈដែលវគ្គផ្ដាច់ព្រ័ត្រក៏ដូចគ្នា ពោលគឺយកឈ្នះក្រុមលេខ២ តោខ្មៅក្រុងសួង ក្នុងលទ្ធផល ៦-០ ឯណោះ។ យ៉ាងណាមិញ ចំពោះក្រុមលេខ៣វិញបានទៅលើក្រុម SARONGDY FC និងក្រុមលេខ៤បានទៅលើក្រុមក្អែកស។

ក្រុមទាំង៤នេះ សុទ្ធតែទទួលបានប្រាក់រង្វាន់ទាំងអស់ដោយចំណាត់ថ្នាក់លេខ១ Inter KPC បាន ១ ៥០០ដុល្លារអាមេរិក លេខ២ ក្រុមតោខ្មៅក្រុងសួង បាន១០០០ដុល្លារអាមេរិក លេខ៣ ក្រុម SARONGDY FC ទទួលបាន៥០០ដុល្លារ និងលេខ៤ក្អែកស ទទួលបាន២០០ដុល្លារ។ បន្ថែមពីលើទឹកប្រាក់នេះដែរ ក្រុមនីមួយៗនឹងទទួលបានស្រាបៀរ Tiger ៥កេះផងដែរ។

ដោយឡែកនៅមណ្ឌលកំពង់ចាមនេះ នឹងយក៦ក្រុមទៅលេងវគ្គផ្ដាច់ព្រ័ត្រនៅរាជធានីភ្នំពេញ ដោយ៤ក្រុមខាងលើមានឈ្មោះស្វ័យប្រវត្តិទៅហើយ ខណៈដែល២ក្រុមទៀតគឺ Justice FC និង Fox ក្រោយពីរកឃើញថាពួកគេជាប់ជាក្រុមលេងចាញ់ល្អជាងគេនៅវគ្គ៨ក្រុមចុងក្រោយ៕