សំបុត្រ VIP មួយសន្លឹកអាចចូលទស្សនារហូតដល់ ១៣៨រឿង ដោយសេរី

2017-03-06 23:06:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ទស្សនិកជនដែលចង់ទៅទស្សនារឿងនៅមហាស្រពភាពយន្តអន្តរជាតិ (CIFF) អាចសម្រេចចិត្តទិញសំបុត្របាន២ប្រភេទចាប់ពីថ្ងៃទី៤ ដល់ថ្ងៃទី៩ មីនា ឆ្នាំ ២០១៧នេះ។

អ្នកនាង គឹម សោភា បានឲ្យដឹងថា ប្រភេទសំបុត្រទី១ ទស្សនិកជនដែលទិញមួយសំបុត្រតម្លៃ ៥០០០(ប្រាំពាន់រៀល) អាចទស្សនាបានតែមួយរឿងប៉ុណ្ណោះ។ ចំណែកឯប្រភេទសំបុត្រទី២ វិញ គឺជាសំបុត្រ VIP ដោយអ្នកទស្សនាចំណាយត្រឹមតែ ៥០០០០ រៀល (ប្រាំម៉ឺនរៀល)អាចទៅមើលគ្រប់ខ្សែភាពយន្តទាំង ១៣៨ ដែលមកពី៣៥ ប្រទេសចាប់ពីថ្ងៃចាក់បញ្ចាំងរហូតដល់ថ្ងៃបិទបញ្ចាំង។

ប្រធានគ្រប់គ្រងទូទៅនៅមហាស្រពភាពយន្តអន្តរជាតិនិយាយថា អត្ថប្រយោជន៍ដែលទទួលបានពីសំបុត្រ VIP គឺអ្នកទស្សនាអាចទៅទស្សនារឿងនៅពេលមួយណាក៏បានដោយមិនកំណត់ពេលវេលាឲ្យតែទំនេរពីការងារ ។ "អ្វីដែលពិសេសបើសិនជាគាត់ជាប់រវល់មិនអាចមកមើលបានគាត់អាចផ្ទេរសំបុត្រហ្នឹងទៅឲ្យអ្នកផ្សេងមកមើលជំនួសគាត់ក៏បានដែរមិនមានបញ្ហាអ្វីទេអូន"។

គួរបញ្ជាក់ថារហូតមកដល់ពេលនេះ មហាស្រពភាពយន្តអន្តរជាតិ(CIFF) បានដាក់បញ្ចាំងភាពយន្តខ្មែរ និងភាពយន្តបរទេសបានរយៈពេល៣ថ្ងៃហើយដោយគិតចាប់ពី ថ្ងៃទី ៤ ដល់ថ្ងៃទី៦ ខែមីនា ឆ្នាំ ២០១៦នេះ៕