Ozil បដិសេធតកុងត្រាថ្មីជាមួយ Arsenal ទោះក្លឹបឲ្យថ្លៃឈ្នួលខ្ពស់ដាច់គេ

2017-03-10 04:28:20
ចំនួនមតិ 0 | ចំនួនចែករំលែក 0

ចន្លោះមិនឃើញ

Mesut Ozil បានបដិសេធមិនព្រមបន្តកុងត្រាថ្មីជាមួយក្លឹប Arsenal នោះទេ ទោះបីក្លឹបនៅទីក្រុងឡុងដុងមួយនេះ បានផ្ដល់ថ្លៃឈ្នួលឲ្យរូបគេច្រើនជាងមុនទ្វេជាពីរ និងថ្លៃបំផុតប្រចាំក្លឹប លើស Alexis Sanchez ទៀតក៏ដោយ។

កីឡាករជម្រើសជាតិអាល្លឺម៉ង់រូបនេះ នៅជាប់កុងត្រាជាមួយ Arsenal ដល់ចប់រដូវកាលក្រោយ ហើយបច្ចុប្បន្នទទួលបានថ្លៃឈ្នួល ១៤០០០០ផោនក្នុង១សប្ដាហ៍។ ប៉ុន្តែបើតាម Mirror បានឲ្យដឹងថា Arsenal បានព្យាយាមលួងលោម Ozil ឲ្យបន្តកុងត្រាថ្មី ដោយឲ្យថ្លៃឈ្នួលគុណនឹងពីរគឺ ២៨០០០០ផោនក្នុង១សប្ដាហ៍ ថ្លៃបំផុតក្នុងប្រវត្តិសាស្ត្រក្លឹប ប៉ុន្តែកីឡាករវ័យ២៨ឆ្នាំរូបនេះ នៅតែបដិសេធ និងចង់ចាកចេញ ក្រោយចប់រដូវកាលនេះ។

រីឯ Sanchez ក៏ Arsenal គ្រោងនឹងបន្ថែមថ្លៃឈ្នួលឲ្យដល់ ២០០០០០ផោនក្នុង១សប្ដាហ៍ លើកុងត្រាថ្មីផងដែរ ប៉ុន្តែកីឡាករជម្រើសជាតិឈីលីរូបនេះ ក៏កំពុងតែចង់ចាកចេញពីកីឡដ្ឋាន Emirates ក្រោយចប់រដូវកាលនេះដូចគ្នា បន្ទាប់ពី Arsenal ចាញ់ Bayern Munich សរុបទាំងពីរជើង ១០-២ ធ្លាក់ចេញពី UEFA Champions League៕

ប្រភព៖ Metro ប្រែសម្រួល៖ វិន ជីវ័ន្ត