គីម ហ៊ាង៖ បើមានលទ្ធភាព ដំបូងត្រូវទិញផ្ទះ លើកទី២ទិញផ្ទះ លើកទី៣ ទិញដី
- 2017-03-10 07:41:06
- ចំនួនមតិ 0 | ចំនួនចែករំលែក 0
គីម ហ៊ាង៖ បើមានលទ្ធភាព ដំបូងត្រូវទិញផ្ទះ លើកទី២ទិញផ្ទះ លើកទី៣ ទិញដី
ចន្លោះមិនឃើញ
លោក គឹម ហ៊ាង ដែលជាប្រធានសមាគមវាយតម្លៃ និងភ្នាក់ងារអចលនវត្ថុកម្ពុជា បានលើកឡើងថា នៅពេលដែលមនុស្សទិញអចលនទ្រព្យលើកដំបូង អ្វីដែលត្រូវទិញគឺផ្ទះដែលជាតម្រូវការចាំបាច់បំផុតក្នុងជីវភាពរស់នៅប្រចាំថ្ងៃ។ លោកបន្តទៀតថា នៅពេលដែលមានលទ្ធភាពទិញអចលនទ្រព្យជាលើកទី២ គឺត្រូវទិញផ្ទះទៀត សម្រាប់ទុកជួលបានលុយ នៅពេលនោះមានផ្ទះមួយសម្រាប់នៅ និងមួយទៀតសម្រាប់ជួល ។
ម្ចាស់ក្រុមហ៊ុន KHMER REAL ESTATE បន្តទៀតថា នៅពេលមានលុយទិញអចលនទ្រព្យជាលើកទី៣ត្រូវទិញដីវិញម្ដង។ លោកនិយាយថា៖ "នៅពេលមានលុយទិញអចលនទ្រព្យជាលើកទី៣ ត្រូវទិញដី តម្លៃដីមានការកើនកើនឡើងច្រើន ១០ ២០ ទៅ៣០ ភាគរយក្នុង១ឆ្នាំ។ នៅពេលដែលមានលទ្ធភាពទិញអចលនទ្រព្យលើកទី៤ទិញដីទៀត ព្រោះដីមិនអាចមានលទ្ធភាពជួលមែន ប៉ុន្តែមានកំណើនសេដ្ឋកិច្ចច្រើន មានដីច្រើនហើយ ផ្ទះច្រើនហើយទើបគេទិញខុនដូរ"។
ដោយឡែកទាក់ទងនឹងបញ្ហាទិញខុនដូរវិញ លោក គីម ហ៊ាង លើកឡើងថា អ្នកទិញខុនដូរភាគច្រើនមិនមែនទិញដើម្បីស្នាក់នៅទេ គឺទិញដើម្បីបង្ហាញថាខ្លួនឯងមានជីវភាពគ្រាន់បើ ហើយអ្នកទិញខុនដូរភាគច្រើនគឺទិញតាមគ្នាទេ។ លោកបន្តទៀតថា ប្រជាជនកម្ពុជាយ៉ាងហោចណាស់ ក៏១០ឆ្នាំទៀតដែរដែលសាំនឹងការរស់នៅក្នុងខុនដូរ។ លោកនិយាយថា ប្រជាជននឹងធ្វើការផ្លាស់ប្ដូរទៅនៅក្នុងខុនដូរនៅពេលដែលគាត់មិនអាចទិញផ្ទះបាន នៅពេលដែលផ្ទះល្វែងឡើងថ្លៃ ដែលមិនអាចទិញបាន។
ខុនដូរលក់ដាច់នៅពេលផ្ទះល្វែងឡើងថ្លៃ បើសិនផ្ទះល្វែងនិងខុនដូរមាន ៩០ស្មើគ្នាគេប្រាកដជាជ្រើសផ្ទះល្វែងហើយ។ ភាគច្រើនអ្នកដែលទិញខុនដូរស្នាក់នៅជាបរទេស ដែលមិនអាចមានសិទ្ធិក្នុងការទិញផ្ទះល្វែងស្នាក់នៅបានក្នុងប្រទេសកម្ពុជាតែប៉ុណ្ណោះ។ ដូច្នេះផ្ទះល្វែងនៅតែមានតម្រូវការខ្លាំង មិនអាចថមថយឥទ្ធិពលនោះទេ។ នេះជាការលើកឡើងបន្ថែមទៀតរបស់ ប្រធានសមាគមវាយតម្លៃ និងភ្នាក់ងារអចលនវត្ថុកម្ពុជា៕