ពិការភ្នែក តែមិនពិការចិត្ត តស៊ូរហូតឈ្នះពានស្មូតកំណាព្យលេខ២ទូទាំងប្រទេស

2017-03-13 03:52:25
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវតីស៊ឹម ស៊ានយី សិស្សពិការភ្នែកទាំងសងខាង តែមិនពិការគំនិត តស៊ូរៀនសូត្ររហូតដល់ថ្នាក់ទី៩ ហើយថែមទាំងឈ្នះជយលាភីលេខ២ នៅក្នុងការប្រកួតប្រជែងស្មូតកំណាព្យ ទូទាំងប្រទេសប្រចាំឆ្នាំ២០១៧ ដែលរៀបចំឡើងដោយក្រសួងអប់រំ យុវជន និងកីឡាទៀតផង។

យុវតីស៊ឹម ស៊ានយី

នៅក្នុងបទសម្ភាសជាមួយ Sabay យុវតីសិស្សថ្នាក់ទី៩ ដែលមកពីស្រុកចម្ការលើខេត្តកំពង់ចាមរូបនេះ បានប្រាប់ថា នេត្រាទាំងសងខាងរបស់ខ្លួន គឺពិការតាំងពីកំណើតមក។

ទោះបីជាយុវតីខាងលើនេះ ងងឹតភ្នែកក្ដី តែនាងមិនខ្ចីចុះចាញ់នឹងព្រហ្មលិខិតនោះឡើយ ដោយបានស្វែងរកវិជ្ជា ជាពន្លឺសម្រាប់ជីវិត ដោយបានចូលសិក្សានៅពីរសាលា គឺទី១រៀនអក្សរសម្រាប់ជនពិការ នៅសាលាកុមារពិការភ្នែក និងគរថ្លង់ ខេត្តកំពង់ចាមរបស់អង្គការគ្រួសារថ្មី និងទី២គឺរៀនចំណេះដឹងទូទៅ នៅសាលារដ្ឋ គឺសាលាបឋមសិក្សា និងអនុវិទ្យាល័យ ទួលថ្ម។

សម្រាប់ឆ្នាំ២០១៧នេះ ស៊ានយីបានឲ្យដឹងថា នាងបានដាក់ពាក្យប្រលងផ្នែកស្មូត្រកំណាព្យ ពានរង្វាន់សម្តេចតេជោ ហ៊ុន សែន ដោយប្រកួតប្រជែងជាមួយបេក្ខជនជាច្រើននៅទូទាំងខេត្ត។ ដោយនាងចូលចិត្ត និងមាននិស្ស័យផ្នែកកំណាព្យ រួមផ្សំនិងការប្រឹងប្រែង យុវតីរូបនេះ ក៏ប្រកួតជាប់លេខ១វគ្គជម្រុះទូទាំងខេត្ត ហើយបន្តប្រកួតក្នុងក្របខណ្ឌទូទាំងប្រទេសប្រចាំ២០១៧ រហូតទទួលពានជយលាភីលេខ២ដោយក្ដីរីករាយ។

យុវតីស៊ឹម ស៊ានយីបានទទួលពានរង្វាន់ជាមួយជ័យលាភី៥រូបទៀតដែលបានជាប់ក្នុងការប្រកួតស្មូត្រកំណាព្យ និងផ្នែកអាន នៅវិទ្យាស្ថានជាតិអប់រំ ក្នុងទិវាជាតិអំណាន ១១ មីនាការពេលកន្លងទៅថ្មីៗនេះ។

...នៅពេលសួរពីថ្ងៃអនាគត ថាតើ យុវតីរូបនេះចង់ក្លាយជាអ្វី ស៊ានយីបានឆ្លើយភ្លាមៗថា នាងចង់ក្លាយទៅជាអ្នកនិពន្ធមួយរូប ទៅលើស្នាដៃផ្សេងៗដូចជាការតែងកំណាព្យជាដើម។... ខាងក្រោមនេះជាស្នាដៃកំណាព្យមួយដែល យុវតីពិការភ្នែកស៊ានយី បានតែងនិពន្ធពីការខិតខំប្រឹងប្រែងរបស់ឪពុកម្ដាយរបស់នាង៖