រឿងពីក្រោយភាពយន្តចំណាយទុនតែ៦ពាន់ដុល្លារ តែរកបានវិញគុណនឹង៨
- 2017-03-14 03:32:43
- ចំនួនមតិ 0 | ចំនួនចែករំលែក 0
រឿងពីក្រោយភាពយន្តចំណាយទុនតែ៦ពាន់ដុល្លារ តែរកបានវិញគុណនឹង៨
ចន្លោះមិនឃើញ
ក្នុងការផលិតខ្សែភាពយន្តនីមួយៗ ពិតជាត្រូវចំណាយទុន ច្រើនណាស់ដើម្បី ខ្សែភាពយន្តនោះមានគុណភាព និងអាចទាក់ទាញអារម្មណ៍របស់អ្នកទស្សនាផង។
ជាក់ស្ដែង ចំពោះខ្សែភាពយន្តខាងប៉ែកអឺរ៉ុប ភាគច្រើន ត្រូវបានចំណាយទុនថត រហូតទៅដល់រាប់ម៉ឺន រាប់លានដុល្លារ ហើយកុនរបស់ពួកគេនីមួយៗក៏ទទួលបានការគាំទ្រច្រើនដែរ។ ប៉ុន្តែអ្វីដែលគួរឲ្យចាប់អារម្មណ៍ គឺចម្លែកតែភាពយន្តដែលមានចំណងជើងថា "Following” ឆ្នាំ១៩៩៩ បែរជាចំណាយលុយផលិតត្រឹមតែ ៦០០០ដុល្លារតែប៉ុណ្ណោះ តែចំណេញវិញដល់ទៅ ៤៨ ៤៨២ដុល្លារ។
ជារឿងមួយនឹកស្មានសឹងមិនដល់ និងធ្វើឲ្យមានការភ្ញាក់ផ្អើលគួរសមដែរ ចំពោះចំនួនទឹកប្រាក់ដែលបានចំណាយនេះ។
ខ្សែភាពយន្តដែលមានចំណងជើងថា "Following” និពន្ធឡើង និងដឹកនាំថតផ្ទាល់ដោយលោក Christopher Nolan ក្នុងឆ្នាំ ១៩៩៨។ ខ្សែភាពយន្តមួយនេះ ចូលរួមសម្ដែងដោយ តារាសម្ដែង Jeremy Theobald, Alex Haw និង Lucy Russell។
កត្តាដែលនាំឲ្យ រឿងនេះចំណាយអស់ទុនតិចនោះ គឺដោយសារ៖
១. កុននេះត្រូវបានថតនៅរៀងរាល់ថ្ងៃសៅរ៍ ជាពេលដែលតួសម្ដែង និងក្រុមការងារអាចជួបជុំគ្នាបាន ពួកគេអាចចំណាយពេលត្រឹមតែ ១៥នាទី តែប៉ុណ្ណោះ ដែលជាហេតុនាំឲ្យដំណើរការផលិត មានរយៈពេលយូររហូតដល់ ជាង១ឆ្នាំ។
២. Christopher Nolan បានយកផ្ទះឪពុកម្ដាយរបស់លោក ធ្វើជាទីតាំងថតសម្រាប់ប្លង់ខ្លះ
៣. រឿងទាំងមូលត្រូវបានថត ដោយប្រើកាមេរ៉ា តែមួយប៉ុណ្ណោះ។
ភាពទាក់ទាញនឹងភាពយន្ត៖ ខ្សែភាពយន្តដែលមានរយៈពេល ៦៩នាទីមួយនេះ និយាយពីបុរសអ្នកនិពន្ធ វ័យក្មេងម្នាក់ ព្យាយាមតាមដាន មនុស្សចម្លែក ជុំវិញទីក្រុងឡុងដុង ដើម្បីធ្វើបណ្ដុះគំនិតក្នុងការសរសេរប្រលោមលោករបស់ខ្លួន។ រហូតដល់ថ្ងៃមួយលោក ឈប់តាមមនុស្សទាំងនោះ ដោយងាកមកតាមដានតែបុរសសង្ហាម្នាក់តែប៉ុណ្ណោះ។ នៅពេលដែលដឹងថា ខ្លួនត្រូវបានគេតាមដានហើយ បុរសរូបសង្ហានោះក៏បានមកនិយាយទល់មុខ អ្នកនិពន្ធវ័យក្មេងនោះថា ខ្លួនគឺជា ចោរ និងបានបបួល Bill (អ្នកនិពន្ធវ័យក្មេង) ធ្វើចោរជាមួយគ្នា។ ចោរម្នាក់ដែលមានឈ្មោះ Cobb នោះបានរៀបរាប់រឿងរ៉ាវប្រាប់ទៅ Bill ដែលធ្វើឲ្យមិត្តថ្មីថ្មោងរបស់គេមួយនេះ រំភើបចិត្តណាស់។ ក្រោយមក Bill ក៏បានរៀបចំខ្លួន ដោយស្លៀកពាក់ឯកសណ្ឋានដូច Cobb ។ ធ្វើការជាមួយគ្នាបានមួយរយៈ Bill ក៏បានដឹងរឿងមិនល្អពី Cobb ច្រើន ដូចនេះគាត់ក៏បានចូលខ្លួនទៅឲ្យប៉ូលិសចាប់ខ្លួន តែមិនបានសម្រេចដោយសារ Cobb និងតួស្រីម្នាក់ទៀត ព្យាយាមសងសឹកវិញ៕