PSG ផ្ញើលិខិតទៅ UEFA រិះគន់អាជ្ញាកណ្ដាល ៨ចំណុច

2017-03-15 03:25:23
ចំនួនមតិ 0 | ចំនួនចែករំលែក 0

ចន្លោះមិនឃើញ

រហូតមកទល់ពេលនេះ មានរយៈពេលជិត១សប្ដាហ៍ហើយ ដែលក្រុម FC Barcelona បានវាយបកឈ្នះ Paris Saint-Germain ៦-១ នៅ UEFA Champions League វគ្គ១៦ក្រុម ជើងទី២ ដែលធ្វើឲ្យក្រុមជើងឯកបារាំង ធ្លាក់ចេញពីពានរង្វាន់កំពូលអឺរ៉ុប ទោះបីជើងទី១ ឈ្នះ ៤-០។

អាជ្ញាកណ្ដាលសញ្ជាតិអាល្លឺម៉ង់ Deniz Aytekin រងការរិះគន់ធ្ងន់ធ្ងរ ក្នុងការប្រកួតដែល Barca ឈ្នះ PSG ៦-១ នៅកីឡដ្ឋាន Nou Camp ស្ទើរមិនគួរឲ្យជឿ។ ប៉ុន្តែម្សិលមិញ ក្លឹប PSG បានផ្ញើលិខិតទៅ UEFA ដោយរៀបរាប់៨ចំណុចមិនគប្បី ក្នុងការកាត់ក្ដីរបស់អាជ្ញាកណ្ដាល Deniz Aytekin។ ៨ចំណុចនោះគឺ៖

១. Javier Mascherano ដៃប៉ះបាល់នៅតង់ទី១

២. គួរតែឲ្យកាតលឿង Gerard Pique ទី២ បន្ទាប់ពីទាញ Edinson Cavani

៣. Neymar ធ្វើពុតដើម្បីបានបាល់ពិន័យ១១ម៉ែត្រដំបូងឲ្យក្រុម Barcelona

៤. Neymar ទាក់ជើង Marquinhos

៥. Luis Suarez ធ្វើពុតដួល - មិនបានបាល់ពិន័យ១១ម៉ែត្រ និងមិនបានកាតលឿង

៦. Gerard Pique ដៃប៉ះបាល់ក្នុងប្រអប់គ្រោះថ្នាក់នាទី៧៨ មិនឲ្យបាល់ពិន័យ១១ម៉ែត្រ

៧. Mascherano បង្កកំហុសលើ Angel De Maria ក្នុងប្រអប់គ្រោះថ្នាក់ មិនឲ្យបាល់ពិន័យ១១ម៉ែត្រ

៨. Suarez ធ្វើពុតដួលជាលើកទី២ អាជ្ញាកណ្ដាលផ្ដល់បាល់ពិន័យ១១ម៉ែត្រឲ្យ Barcelona។

យ៉ាងណាក្ដី ខាងលើនេះគឺគ្រាន់តែជាលិខិតរិះគន់ដល់ការកាត់ក្ដីរបស់អាជ្ញាកណ្ដាលប៉ុណ្ណោះ ហើយបើតាមប្រធានក្លឹប PSG លោក Nasser Al Khelaifi បានឲ្យដឹងថា ក្លឹបមិនទាមទារឲ្យមានការប្រកួតឡើងវិញនោះទេ ទោះបីជាមានការដាក់ញត្តិស្នើក៏ដោយ៕

ប្រភព៖ 101 Great Goals ប្រែសម្រួល៖ វិន ជីវ័ន្ត