ផាន់ គ្រាន់ មានទីផ្សារឡើងវិញក្រោយហ្វឹកហាត់ខ្លាំង

2017-03-15 04:51:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងដែលធ្លាប់ឈ្នះ ឡៅ ចន្រ្ទា កាលពីអតីតកាល ផាន់ គ្រាន់ ចាប់ផ្ដើមមានទីផ្សារប្រកួតឡើងវិញបន្ទាប់ពី ព្យាយាមហ្វឹកហាត់ខ្លាំងខ្លាមួយរយៈពេលចុងក្រោយនេះ។

កីឡាករ ផាន់ គ្រាន់ ក្រហម

កីឡាករ ផាន់ គ្រាន់ បានឲ្យដឹងក្រោយឈ្នះថៃ កាលពីថ្ងៃសៅរ៍ ទី១១ ខែមិនា ឆ្នាំ ២០១៧ នៅសង្វៀន CNC ថាបន្ទាប់ពីដូរក្លឹបមកហាត់ជាមួយក្លឹបថ្មី (ពុទ្ធសេរីវង្សកីឡា) ឥលូវនេះបានឡើងប្រកួតជាញឹកញាប់ រីឯសមត្ថភាពក៏រីកចម្រើនដែរ។

អ្នកប្រដាល់រូបនេះបន្ថែមទៀតថា ខ្លួនទទួលស្គាល់ថាការខំប្រឹងប្រែងហ្វឹកហាត់មួយរយៈពេលធំនេះ សមត្ថភាពប្រកួតល្អច្រើន ដូចជាស៊ុហ្វនៃការវ៉ៃ អាចវ៉ៃបាន ៥ទឹកពេញ ក៏ដូចជាតិចនិកផ្សេងទៀតល្អនិងប្លែក ចំពោះច្បាប់ទម្លាប់និងការហាត់ក៏តឹងរ៉ឹង។ សិស្សប្អូនរបស់ មឿន សុខហ៊ុច ម្នាក់នេះនឹងប្ដេជ្ញាខំប្រឹងប្រែងហ្វឹកហាត់ឲ្យខ្លាំងជាបន្តទៀត ដើម្បីឲ្យមានសមត្ថភាពគ្រប់គ្រាន់ក្នុងការឡើងប្រកួត និងចង់ទទួលបានប្រជាប្រិយភាពពីទស្សនិកជនឡើងវិញ ណាមួយចង់ក្ដោបឱកាសឡើងសង្វៀនឲ្យបានញឹកញាប់ផងដែរ។

កីឡាករ ផាន់ គ្រាន់ ក្រហម

ផាន់ គ្រាន់ អតីតកូនសិស្សលោកគ្រូ ផាន់ ផានណាត ហើយបច្ចុប្បន្នកំពុងហាត់នៅក្លឹប ពុទ្ធសេរីវង្សកីឡា ការប្រកួតចុងក្រោយរបស់គេឈ្នះជើងខ្លាំងថៃដោយពិន្ទុនៅសង្វៀន CNC ហើយគេនឹងត្រូវឡើងសង្វៀនសារជាថ្មីម្ដងទៀតនៅស្ថានីយអាស៊ីអាគ្នេយ៍ ថ្ងៃទី២៥ ខែមិនា ឆ្នាំ ២០១៧ ខាងមុខនេះ៕

អត្ថបទ៖ នួន ស៊ីណា