SMART សហការគាំទ្រក្រុមហ៊ុនឌីជីថលបង្កើតថ្មី លើកស្ទួយបច្ចេកវិទ្យាក្នុងស្រុក

2017-03-15 07:04:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Smart បានសហការជាមួយអង្គការមូលនិធិអាស៊ីលើគម្រោង TEKHUB គាំទ្រដល់គំនិតអាជីវកម្មលើវិស័យបច្ចេកវិទ្យាថ្មីៗ រួមចំណែកលើកស្ទួយបច្ចេកវិទ្យាក្នុងស្រុកកាន់តែរីកចម្រើន។

លោក Thomas Hundt នាយកក្រុមហ៊ុន Smart ឲ្យដឹងថា ការសហការលើគម្រោង TEKHUB នេះ គឺជាការចូលរួមផ្ដួចផ្ដើមដល់សហគ្រិនថ្មីៗ ក្នុងវិស័យឌីជីថលក្នុងប្រទេសកម្ពុជា។ ដោយឡែកថ្មីនេះ ក្រុមហ៊ុនបានសម្ពោធគម្រោងមួយឈ្មោះ SmartStart មានចក្ខុវិស័យស្រដៀងគ្នា ដែលជួយបណ្ដុះគំនិតអាជីវកម្មលើវិស័យបច្ចេកវិទ្យា ដល់សហគ្រិនវ័យក្មេងក្នុងប្រទេសកម្ពុជា។

លោកថា ក្រុមហ៊ុនចង់ឲ្យគំនិតអាជីវកម្មថ្មីៗលើផ្នែកបច្ចេកវិទ្យាទាំងអស់ ក្លាយជាផលិតផលនិងសេវាកម្មពិតៗ ដើម្បីបម្រើដល់ប្រយោជន៍រួម និងជាការលើកស្ទួយដល់បច្ចេកវិទ្យាក្នុងប្រទេសកម្ពុជាឲ្យកាន់តែមានសក្ដានុពលថែមមួយកម្រិតទៀត។

បច្ចុប្បន្នគម្រោង TEKHUB បានគាំទ្រដល់អាជីវកម្មបង្កើតថ្មីក្នុងស្រុកចំនួនបីដូចជា Codingate, WeduShare និងក្រុមហ៊ុន Tao Ventures ក្នុងការប្រឹក្សាយោបល់ជាគំនិត ក៏ដូចជាផ្ដល់ជាទីតាំងការិយាល័យសម្រាប់ធ្វើការ។ ពេលខាងមុខ គម្រោង TEKHUB នឹងបន្តគាំទ្រនិងលើកស្ទួយដល់សហគ្រិនវ័យក្មេងទាំងឡាយ ឲ្យសម្រេចក្តីសុបិនរបស់ពួកគេ ក្នុងការបង្កើតអាជីវកម្មឌីជីថលថ្មីៗ រួមចំណែកអភិវឌ្ឍសេដ្ឋកិច្ចជាតិ៕

អត្ថបទ៖ ផាន់និត

ពាក្យទាក់ទង

ព័ត៌មានបច្ចេកវិទ្យាក្នុងស្រុក Smart Axiata

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

អត្ថបទថ្មី

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី

មកដឹងកាលបរិច្ឆេទប្រកួត Semi Final កម្មវិធី Champions League

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត