ស្តាតចាស់ ដាក់បង្គោលភ្លើងរួចរាល់
- 2017-03-15 07:06:28
- ចំនួនមតិ 0 | ចំនួនចែករំលែក 0
ស្តាតចាស់ ដាក់បង្គោលភ្លើងរួចរាល់
ចន្លោះមិនឃើញ
ក្លឹបក្រសួងការពារជាតិ (ទ័ព) បានរៀបចំដាក់បង្គោលភ្លើងនៅលើទីលានកីឡដ្ឋានស្តាតចាស់របស់ខ្លួនរួចរាល់ សម្រាប់ការរៀបចំការប្រកួតនៅពេលយប់ ក្នុងពានរង្វាន់លីគកំពូលកម្ពុជា និងពានរង្វាន់ Hun Sen Cup រដូវកាលថ្មី២០១៧នេះ។
តាម Page ផ្លូវការរបស់ក្លឹបក្រសួងការពារជាតបានឲ្យដឹងថា « លោក ខូវ ឆាយ អ្នកចាត់ការទូទៅរបស់ក្លឹបបានប្រាប់ថា យើងកំពុងតែរួសរាន់ពីការរៀបចំដាក់បង្គោលភ្លើងនេះ ដើម្បីឲ្យទស្សនិកជនងាយទស្សនាក្នុងការប្រកួតនៅពេលយប់ ដោយរំពឹងថានឹងរួចរាល់នៅចុងខែមីនានេះ។ ក្រៅពីដាក់អំពូលតាមបង្គោលភ្លើងទាំង៤នៅជុំវិញស្ដាត យើងក៏មានដាក់ភ្លើងLED ម្ខាង២០គ្រាប់ខាងមុខបន្ថែម (ប៉ែកកៅអីខាងមុខ ឬ Granstand)។ យើងគ្រោងដាក់អំពូលភ្លើងឱ្យបានកម្រិតចន្លោះពី ៨០០Lux ទៅ១០០០Lux ដើម្បីឱ្យត្រូវតាមស្តង់ដាររបស់សហព័ន្ធកីឡាបាល់ទាត់ទ្វីបអាស៊ី»។
ក្រុមក្រសួងការពារជាតិ នឹងរៀបចំធ្វើជាម្ចាស់ផ្ទះលើកដំបូងក្នុងពានរង្វាន់ជម្រើសជើងឯកជាតិឆ្នាំ២០១៧ នៅថ្ងៃទី១ ខែមេសា ដោយទទួលក្រុមមជ្ឈមណ្ឌលកម្ចាត់មីនកម្ពុជា លើទីលានស្ដាតចាស់។ សម្រាប់ជំនួបនេះក្លឹបមួយនេះរំពឹងរៀបចំនៅពេលយប់ជាលើកដំបូងនៅលើទីលាននេះផ្ទាល់តែម្ដង៕