៤៣% ជំនួប El Clasico អាចកើតឡើងវគ្គ៨ក្រុមចុងក្រោយ Champions League
- 2017-03-16 03:00:30
- ចំនួនមតិ 0 | ចំនួនចែករំលែក 0
៤៣% ជំនួប El Clasico អាចកើតឡើងវគ្គ៨ក្រុមចុងក្រោយ Champions League
ចន្លោះមិនឃើញ
៤រដូវកាលជាប់ៗគ្នាហើយដែលក្រុមខ្លាំងទាំងបីរបស់អេស្ប៉ាញមាន Barcelona, Atletico Madrid និង Real Madrid តែងឡើងទៅវគ្គ៨ក្រុមចុងក្រោយ UEFA Champions League តំណាលគ្នា។
ពេលមានក្រុមអេស្ប៉ាញឡើងមកច្រើនបែបនេះ ធ្វើឲ្យឱកាសជួបគ្នារបស់ពួកគេអាចនឹងមានខ្ពស់នៅវគ្គ៨ក្រុមចុងក្រោយ ហើយលទ្ធផលនៃការចាប់ឆ្នោតនៅទីក្រុង Nyon ប្រទេសស្វីសនឹងដឹងថ្ងៃសុក្រស្អែកហើយ។
បើតាម Marca ផ្សាយថាបើគិតជាភាគរយក្រុមមកពី La Liga ទាំង៣អាចមានភាគរយប៉ះគ្នាឯងនៅវគ្គនេះ ៤៣% (Barcelona ប៉ះ Real Madrid, Atletico Madrid ប៉ះ Barcelona, Real Madrid ប៉ះ Atletico Madrid) ហើយ៥៧%ទៀត ពួកគេអាចនឹងប៉ះ Bayern Munich, AS Monaco, Juventus, Borussia Dortmund និង Leicester City។
ភាគរយនៃការប៉ះគ្នារវាងក្រុមអេស្ប៉ាញ (៣ក្រុម) និងអាល្លឺម៉ង់ (២ក្រុម) មានចំនួន៦៩%, ភាគរយនៃការប៉ះក្រុមមកពី អ៊ីតាលី (Juventus), បារាំង (Monaco) និងអង់គ្លេស ( Leicester) មានចំនួន ៤២,៨៦ភាគរយដូចគ្នា៕