ជើងខ្លាំងវ័យក្មេង ឃីម បូរ៉ា រំពឹងខ្ពស់ឈ្នះខ្សែក្រវាត់ថ្ងៃសៅរ៍នេះ
- 2017-03-16 08:03:11
- ចំនួនមតិ 0 | ចំនួនចែករំលែក 0
ជើងខ្លាំងវ័យក្មេង ឃីម បូរ៉ា រំពឹងខ្ពស់ឈ្នះខ្សែក្រវាត់ថ្ងៃសៅរ៍នេះ
ចន្លោះមិនឃើញ
បន្ទាប់ពីបងប្រុសទើបនិងឈ្នះខ្សែក្រវាត់មួយនៅសង្វៀនអាស៊ីអាគ្នេយ៍នាពេលថ្មីៗនេះ ឥលូវនេះដល់វេនកីឡាករវ័យក្មេង ឃីម បូរ៉ា វិញម្ដង គេនិងត្រូវឡើងប្រកួតវគ្គផ្ដាច់ព្រ័ត្រនៅថ្ងៃសៅរ៍ ទី១៨ ខែមិនា ឆ្នាំ២០១៧ នៅសង្វៀន TIFFI Arena នៅជ្រោយចង្វាវេលាម៉ោង៥ល្ងាចតទៅ។
កីឡាករ ឃីម បូរ៉ា បានឲ្យដឹងថា នៅថ្ងៃសៅរ៍ចុងសប្ដាហ៍គេនឹងត្រូវឡើងប្រកួតវគ្គផ្ដាច់ព្រ័ត្រសង្វៀនរបស់ប៉ុស្តិ៍លេខ៥ដើម្បីដណ្ដើមប្រាក់រង្វាន់៤ពាន់ដុល្លារអាមេរិក។ សម្រាប់ការប្រកួតមួយនេះរូបគេសង្ឃឹមឈ្នះច្រើន ព្រោះបានហាត់ត្រៀមអស់រយៈពេល២សប្ដាហ៍ទៅមកហើយ ការហ្វឹកហាត់ទៀតសោតចំណាយពេលយូរនិងខ្លាំងជាហាត់ប្រកួតធម្មតា។ ការប្រកួតនៅវគ្គផ្ដាច់ព្រ័ត្រនេះប្អូនប្រុសបង្កើតរបស់ ឃីម ឌីម៉ា ម្នាក់នេះក៏មានការព្រួយបារម្ភទៅលើកម្លាំងស៊ុហ្វផងដែរ ព្រោះការប្រកួតកន្លងទៅឃើញថាស៊ុហ្វរបស់ខ្លួនមិនសូវពេញ៥ទឹកនោះទេ។
កីឡាករវ័យក្មេងដើមកំណើតមកពីខេត្តបន្ទាមានជ័យ បន្តឲ្យដឹងទៀតថា សម្រាប់ដៃគូ(ឡុង សំណាង) ល្អទៅកម្លាំងស៊ុហ្វ ទាត់និងឡាំជង្គង់។
ឃីម បូរ៉ា ជាកូនសិស្សមកពីក្លឹបប្រដាល់ រស៊ីភូមិគាបខេត្តបន្ទាយមានជ័យ មុនឈានដល់វគ្គផ្ដាច់នេះអ្នកប្រដាល់រូបផ្ដួលកីឡាករ បឺត សង្ឃឹម ឲ្យសន្លប់ក្នុងទឹកទី៣។ ការប៉ះជាមួយកីឡាករ ឡុង សំណាង ថ្ងៃសៅរ៍ ទី១៨ នេះជាលើកទី២ ខណៈលើកទី១ បូរ៉ា ឈ្នះចាញ់ម្ដងក្នុងប្រកួតកីឡាជាតិលើកទី១៕