ដៃគូ ឃីម ឌីម៉ា ល្ងាចនេះ ដែលផ្ដួល ផល សោភ័ណ្ឌ សន្លប់ទឹកទី១ តាមពិតជាកីឡាករដើរវ៉ៃតាម...
- 2017-03-17 23:19:00
- ចំនួនមតិ 0 | ចំនួនចែករំលែក 0
ដៃគូ ឃីម ឌីម៉ា ល្ងាចនេះ ដែលផ្ដួល ផល សោភ័ណ្ឌ សន្លប់ទឹកទី១ តាមពិតជាកីឡាករដើរវ៉ៃតាម...
ចន្លោះមិនឃើញ
អ្នកប្រដាល់ឆ្លងដែនមកពីប្រទេសថៃ ខុន ក្រុងថេប ដែលធ្វើឲ្យអ្នកនិយមប្រដាល់នៅកម្ពុជាបើកភ្នែកធំៗនៅពេលរូបគេបានផ្តួលជើងខ្លាំងកម្ពុជា ផល សោភ័ណ្ឌ ឲ្យសន្លប់ក្នុងទឹកទី១កាលពីសប្តាហ៍មុន និងត្រូវជួបជើងខ្លាំង ឃីម ឌីម៉ា ល្ងាចនេះ។ តើកីឡាកររូបនេះមានប្រវត្តិយ៉ាងណា?
តាមការឲ្យដឹងពីលោក ថៃ អ៊ូ ដែលជាអ្នកនាំកីឡាករថៃមកវ៉ៃនៅកម្ពុជាថា កីឡាករ ខុន ក្រុងថេប មិនមែនជាជើង និងមានកេរ្តិ៍ឈ្មោះនោះទេនៅប្រទេសថៃ។ តាមពិតកីឡាករថៃម្នាក់នេះគ្រាន់តែជាអ្នកប្រដាល់ដែលដើរប្រកួតតាមកម្មវិធីបុណ្យទានតាមស្រុកភូមិនៅថៃ និង កម្រងឡើងវ៉ៃតាមសង្វៀនទូរទស្សន៍ណាស់។
គ្រូប្រដាល់មកពីខេត្តបន្ទាយមានជ័យរូបនេះបន្ថែមទៀតថា រូបគេមិនមានខ្សែក្រវាត់ឬពានរង្វាន់ធំដំអ្វីនោះទេ ហើយការប្រកួតរបស់គេចេះតែប្រើកែងតែប៉ុណ្ណោះ មិនមានក្បាច់អ្វីខ្លាំងនិងច្បាស់ផ្សេងទៀងឡើយ។ ការប្រកួតដែលឈ្នះជើងខ្លាំង ផល សោភ័ណ្ឌ ទឹកទី១កាលថ្ងៃសុក្រសប្ដាហ៍មុននោះ អាចមកពីកីឡាករកម្ពុជាធ្វេសប្រហែសខ្លួនឯង នៅពេលចាប់ផ្ដើមដំបូង។ កាលណាត្រូវកែងឬត្រូវអាជ្ញាកណ្ដាលរាប់ម្ដងហើយ ដូចនេះស្មារតីមិនទាន់ហ្នឹង ទើបធ្វើឲ្យ ខុន ក្រុងថេប ខំវ៉ៃផ្ដាច់តែម្ដង។
អ្នកនាំកីឡាករថៃមកវ៉ៃនៅកម្ពុជារូបនេះបន្ថែមថា សម្រាប់ការប៉ះ ឃីម ឌីម៉ា ល្ងាចថ្ងៃសៅរ៍នេះ ក្រុងថេប អាចនឹងពិបាកយកឈ្នះជើងខ្លាំងកម្ពុជាដែលកំពុងឡើងកូដខ្លាំង។ មិនត្រឹមតែប៉ុណ្ណោះ ឌីម៉ា អាចនឹងផ្តួល ក្រុងថេបឲ្យសន្លប់ចន្លោះពីទឹកទី១ដល់ទី៣ ប្រសិនបើកីឡាករកម្ពុជាម្នាក់នេះមិនធ្វើធ្វេសប្រហែស។
លោក ថៃ អ៊ូ ជាគ្រូប្រដាល់គុនខ្មែរនៅជាយដែនខេត្តបន្ទាយមានជ័យនិងកំពុងបណ្ដុះបណ្ដាលថ្នាលយុវជនជាច្រើន។ គ្រូប្រដាល់រូបនេះជាអ្នកនាំកីឡាករថៃមកដាក់ឲ្យតាមសង្វៀនផ្សេងៗ ដូចជា CNC PNN អាស៊ីអាគ្នេយ៍ ជាដើម៕