Man City & Liverpool ស្មើគ្នា ១-១ ទាំងមិនអស់ចិត្តរៀងៗខ្លួន
- 2017-03-19 23:46:09
- ចំនួនមតិ 0 | ចំនួនចែករំលែក 0
Man City & Liverpool ស្មើគ្នា ១-១ ទាំងមិនអស់ចិត្តរៀងៗខ្លួន
ចន្លោះមិនឃើញ
ការប្រកួតធំដ៏ក្តៅគគុក Super Sunday នៅ Premier League រវាងក្រុមមេឃខៀវ Manchester City ទល់នឹងហង្សក្រហម Liverpool យប់មិញ បានត្រឹមបញ្ចប់លទ្ធផលស្មើគ្នា ១-១ ទាំងមិនអស់ចិត្តរៀងៗខ្លួន ព្រោះពួកគេមានឱកាសល្អៗ នៅមុខទីដូចគ្នា ប៉ុន្តែធ្វើពុំបានសម្រេច។
ក្រុមភ្ញៀវហង្សក្រហមរបស់លោក Jurgen Klopp បាននាំមុខក្រុមម្ចាស់ផ្ទះរបស់លោក Pep Guardiola ១-០ មុននៅនាទី៥១ បន្ទាប់ពីខ្សែការពារ James Milner ស៊ុតបាល់ពិន័យ១១ម៉ែត្រ ក្រោយ Gael Clichy បង្កកំហុសលើ Roberto Firmino ក្នុងប្រអប់គ្រោះថ្នាក់។ ប៉ុន្តែ Sergio Aguero បានស៊ុតឲ្យ Man City តាមស្មើ ១-១ វិញ នាទី៦៩។ លទ្ធផលនេះ បានបន្តរហូតចប់ការប្រកួត ប៉ុន្តែ Adam Lallana របស់ Liverpool និង Aguero បានត្រឹមសោកស្តាយ និងមិនអស់ចិត្តទេ ព្រោះពួកគេមានឱកាសល្អៗបំផុតនៅមុខទី ប៉ុន្តែបែរជាស៊ុតមិនចូល។
រីឯគូផ្សេងទៀត Manchester United បានយកឈ្នះ Middlesbrough ៣-១ ខណៈដែល Tottenham Hotspur ឈ្នះ Southampton ២-១។ ដូច្នេះក្រុមខ្លាំងៗទាំងអស់ចាប់ពីលេខ២ គឺប្រដេញពិន្ទុ និងឈរនៅលេខរៀងបន្តបន្ទាប់គ្នា ពោលគឺ Spurs លេខ២ មាន៥៩ពិន្ទុ, Man City លេខ៣ មាន៥៧ពិន្ទុ, Liverpool លេខ៤ មាន៥៦ពិន្ទុ និង Man Utd បានឡើងមកលេខ៥ មាន៥០ពិន្ទុ ខណៈដែល Arsenal ធ្លាក់ទៅដល់លេខ៦ មាន៥០ពិន្ទុ ស្មើ Everton៕