ប្រដាប់បង្កាត់ភ្លើងថ្មី គូនឹងធ្យូងអនាម័យ ជួយទាំងបរិស្ថាន មិនប៉ះពាល់ដល់សុខភាព

2017-03-20 02:19:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ដុំសម្រាប់បង្កាត់ភ្លើងថ្មី ដែលមានត្រឹមតែ២០០រៀល តែផ្ដល់ប្រយោជន៍ច្រើន គឺដុតឆេះមិនបញ្ចេញផ្សែងពុលប៉ះពាល់ដល់សុខភាព និងបរិស្ថានជុំវិញ។

កញ្ញា ជាបុគ្គលិកប្រចាំនៅស្តង់លក់ធ្យូងអនាម័យ ដែលបានដាក់តាំងនៅក្នុងព្រឹត្តិការណ៍ វេទិកាឥទ្ធិពលយុវជនកម្ពុជា ធ្វើឡើងនៅសាលាតិចណូ (វិទ្យាស្ថានបច្ចេកវិទ្យាកម្ពុជា) បានប្រាប់ថា ដុំបង្កាត់ភ្លើងនោះ ផលិតឡើងអំពី ទៀន និងសំបកត្រឡោកដូង ដែលឆេះជាប់បានយូរ មិនផ្ទុះ ឬខ្ទាតបង្កបញ្ហាដល់រាងកាយនោះទេ។ ក្នុង១កញ្ចប់ មានដុំបង្កាត់ភ្លើងនោះចំនួន ២៤ដុំ ហើយមានតម្លៃ៤០០០រៀល។

ដុំសម្រាប់បង្កាត់ភ្លើងថ្មី

សម្រាប់វត្ថុធាតុដើមផលិត ដុំបង្កាត់ភ្លើងនោះ កញ្ញា បានប្រាប់ថា គឺខាងរោងចក្របានប្រមូលទិញពីអ្នកកោសដូងលក់ ដែលកន្លងមកពួកគេបោះចោល ព្រោះពុំមានអ្នកត្រូវការទិញ។ ផលិតផលដុំបង្កាត់ភ្លើងផលិតនៅកម្ពុជានេះផងដែរ គឺជាស្នាដៃរបស់រោងចក្រផលិតធ្យូងអនាម័យធម្មជាតិនៅកម្ពុជា ដែលធ្វើឡើងពីស្រកីដូង សំបកទុរេន កាកអំពៅ និងកម្ទេចធ្យូង មិនហុយ ប៉ះពាល់ដល់សុខភាព។

សម្រាប់តម្លៃធ្យូងអនាម័យវិញ គឺធ្យូង ១គីឡូ ១៧០០រៀល។ បើទិញ១កេស មាន៣គីឡូ គឺមានតម្លៃ ៧១០០រៀល ហើយអាចទាក់ទងតាមទូរស័ព្ទលេខ ០៩៥ ៦៦៦ ៣៦០៕